TJONÏK 45
¿Achkë rubʼanik nqakʼüt chë ma nqajoʼ ta nqayüj qiʼ rkʼë ri política?
Jesús xuʼij chkë rutzeqelbʼëy chë ryeʼ ma ye «rchë ta chik le ruwachʼulew» (Juan 15:19). Reʼ ntel chë tzij chë ma nkiyüj ta kiʼ rkʼë ri política chqä ma yebʼä ta pa chʼaʼoj. Ye kʼa ma ronojel ta mul kan chaq bʼaʼ nuʼän chqawäch ma nqaʼän ta riʼ. Y rkʼë jbʼaʼ kan ye kʼo winäq yetzeʼen chqij xa rma ya riʼ. ¿Achkë ütz nqaʼän rchë ma nqayüj ta qiʼ rkʼë ri política chqä rchë ma nqayaʼ ta qa Jehová?
1. ¿Achkë nqaquʼ röj ri kantzij taq cristianos chkij ri qʼatbʼäl taq tzij?
Röj, ri cristianos, nqanmaj kitzij ri qʼatbʼäl taq tzij. Jesús xuʼij: «Titojoʼ [...] che rä ri César ri rchë ri César». Y kan ya riʼ nqaʼän röj. Nqasmajij ri pixaʼ ye kʼo chpan qatinamit, achiʼel ri yeyaʼon chkij ri impuestos (Marcos 12:17). Le Biblia nuʼij chë Jehová ruyaʼon qʼij chkë ri qʼatöy taq tzij rchë nkiqʼät tzij pa qawiʼ komä (Romanos 13:1). Rma riʼ qataman chë ryeʼ ma jontir ta uchqʼaʼ yaʼon pa kiqʼaʼ, rma kan yë Dios ri kʼo ronojel uchqʼaʼ pa ruqʼaʼ. Röj kan qayaʼon chwäch qan chë ri qa-Dios chqä ri Ruqʼatbʼäl Tzij xtkisöl jontir ri kʼayewal kʼo chwäch le Ruwachʼulew.
2. ¿Achkë rubʼanik nqakʼüt chë ma nqajoʼ ta nqayüj qiʼ rkʼë ri política?
Achiʼel xuʼän Jesús, röj chqä ma nqayüj ta qiʼ rkʼë ri política. Taq ri winäq xkitzʼët jun chkë ri milagros ri xuʼän Jesús, ryeʼ xkajoʼ xkiʼän qʼatöy tzij che rä, ye kʼa ryä ma xrajoʼ ta (Juan 6:15). ¿Achkë rma? Jbʼaʼ chrij riʼ, ryä xuʼij: «Ri Nqʼatbʼäl Tzij rïn ma rchë ta re ruwachʼulew reʼ» (Juan 18:36). Röj, ri rutzeqelbʼëy Jesús, kan jalajöj rubʼanik nqakʼüt chë ma nqajoʼ ta nqayüj qiʼ rkʼë ri yekiʼän ri winäq. Jojun tzʼetbʼäl. Röj ma nqbʼä ta pa chʼaʼoj (taskʼij ruwäch Miqueas 4:3). Tapeʼ ma nqayöqʼ ta ri bandera o xa bʼa achkë chik jun ri xa nuʼän chë nqayaʼ ruqʼij jun tinamït, röj ma nqayaʼ ta kiqʼij (1 Juan 5:21). Chqä, ma nqtoʼon ta rkʼë jun partido político nixta nqatoʼ jun winäq ri nrajoʼ ntok qʼatöy tzij, ye kʼa ma itzel ta chqä nqtzjon chkij. Rkʼë ronojel reʼ nqakʼüt chë xa xuʼ Ruqʼatbʼäl Tzij Dios nqatoʼ, jun qʼatbʼäl tzij ri kan yë ryä xyaʼö.
TQATAMAJ MÁS CHRIJ RE NAʼOJ REʼ
Tqatzʼetaʼ ajän riʼ taq rkʼë jbʼaʼ kʼayewal nuʼän chqawäch ma nqayüj ta qiʼ rkʼë ri política chqä achkë ütz naʼän rït rchë Jehová kiʼ rukʼuʼx xtuʼän awkʼë rma ri xtachaʼ xtaʼän.
3. Ri kantzij taq cristianos ma nqayüj ta qiʼ rkʼë ri política
Jesús chqä rutzeqelbʼëy xkiyaʼ qa jun utziläj tzʼetbʼäl chqawäch chrij riʼ. Tiskʼij ruwäch Romanos 13:1, 5-7 chqä 1 Pedro 2:13, 14. Chrij riʼ titzʼetaʼ ri VIDEO y kixtzjon chrij reʼ:
¿Achkë rma kʼo chë nqanmaj kitzij ri qʼatbʼäl taq tzij?
¿Achkë jojun rubʼanik nqakʼüt chë nqanmaj kitzij?
Taq kʼo chʼaʼoj chkiwäch kaʼiʼ tinamït, ye kʼo jojun tinamït, tapeʼ ma yebʼä ta chpan ri chʼaʼoj riʼ, kan nkiyaʼ kitoʼik ri kaʼiʼ tinamït riʼ. ¿Ya riʼ kʼa riʼ ntel chë tzij ma nayüj ta awiʼ chpan jun chʼaʼoj? Tiskʼij ruwäch Juan 17:16. Chrij riʼ titzʼetaʼ ri VIDEO y kixtzjon chrij reʼ:
¿Achkë ntel chë tzij ma nayüj ta awiʼ rkʼë ri yekiʼän ri winäq?
Kʼo mul, ri qʼatbʼäl taq tzij kʼo nkikʼutuj chqë ri xa nuqʼäj rutzij Dios. ¿Achkë nqaʼän taq nbʼanatäj riʼ? Tiskʼij ruwäch Hechos 5:28, 29. Chrij riʼ titzʼetaʼ ri VIDEO y kixtzjon chrij reʼ:
We kʼo jun pixaʼ nkiyaʼ ri qʼatbʼäl taq tzij ri xa nuqʼäj rutzij Dios, ¿achkë kʼo chë nqanmaj rutzij?
¿Npë komä jun tzʼetbʼäl pan ajolon rït ri akuchï ri cristianos ma xtkinmaj ta kitzij ri qʼatbʼäl taq tzij?
4. Takʼutuʼ chë ma nawajoʼ ta nayüj awiʼ rkʼë ri yekiʼän ri winäq
Tiskʼij ruwäch 1 Juan 5:21. Chrij riʼ titzʼetaʼ ri VIDEO y kixtzjon chrij reʼ:
¿Achkë rma Ayenge ma xrajoʼ ta xtoʼ jun partido político chqä ma xrajoʼ ta xuʼän ri saludo a la bandera?
¿Naʼij rït chë ryä xchaʼ xuʼän ri ütz?
¿Achkë chik nkʼaj nbʼanö chqë chë rkʼë jbʼaʼ kʼayewal nuʼän chqawäch ma nqayüj ta qiʼ rkʼë ri yekiʼän ri winäq? Titzʼetaʼ ri VIDEO y kixtzjon chrij reʼ:
Taq nqatzʼët xa bʼa atzʼanen ri najin nbʼan, ¿achkë rubʼanik nqakʼüt chë ma najin ta nqatoʼ jun equipo o jun winäq?
Taq ri qʼatöy taq tzij kʼo jun nkichaʼ nkiʼän ri xa yojurtzʼlaʼ o nukʼäm pä utzil pa qawiʼ, ¿achkë rubʼanik nqakʼüt chë ma nqajoʼ ta nqayüj qiʼ rkʼë ri política?
¿Achkë xtbʼanatäj qkʼë we xtqatzʼët noticias o xtqakʼwaj qiʼ kikʼë winäq ri yetzjon chrij ri política?
¿Ajän riʼ taq jun cristiano nukʼüt rkʼë ri yeruʼän chqä ri yeruquʼ chë ma najin ta nuyüj riʼ rkʼë ri yekiʼän ri winäq?
JOJUN WINÄQ RKʼË JBʼAʼ XTKIKʼUTUJ REʼ CHAWÄ: «¿Achkë rma rït ma naʼän ta ri saludo a la bandera chqä ma nabʼixaj ta ri himno nacional?».
¿Achkë xtaʼij rït chkë?
RI XQATAMAJ QA
Ri cristianos kan nkitäj kiqʼij rchë ma nkiyüj ta kiʼ rkʼë ri política, y ya riʼ kan nqʼalajin rkʼë ri yekiʼän, rkʼë ri yekiʼij chqä rkʼë ri rubʼanik yechʼobʼon.
Tqakamluj ri xqatzʼët qa
¿Achkë rubʼanik nqakʼüt chë nqanmaj kitzij ri qʼatbʼäl taq tzij?
¿Achkë rma röj ma nqayüj ta qiʼ rkʼë ri política?
¿Ajän riʼ taq rkʼë jbʼaʼ kʼayewal nuʼän chqawäch ma nqayüj ta qiʼ rkʼë ri yekiʼän ri winäq?
RCHË NATAMAJ MÁS
¿Achkë rkʼë jbʼaʼ kʼo chë xtqayaʼ qa rma ma nqajoʼ ta nqayüj qiʼ rkʼë ri política?
¿Achkë ütz nkiʼän ri familias rchë nkitzʼët achkë xtkiʼän taq ri nkʼaj chik yekiʼän bʼanobʼäl ri xa nkiyaʼ ruqʼij jun tinamït?
Ma tqayüj ta qiʼ chkipan bʼanobʼäl ri xa nkinimirsaj ruqʼij jun tinamït (4:25)
Chkiwäch ye kʼïy winäq, majun ta jun ri kʼo más ruqʼij chwäch ri nkiyaʼ ruqʼij ri kitinamit. Ye kʼa ¿kantzij komä riʼ?
Taq kʼo chë nqachaʼ achkë samaj xtqaʼän, ¿achkë rubʼanik nqakʼüt chë ma yoj junan ta kikʼë ri winäq?
«Chqajujnal röj kʼo chë xtqatöj na ri bʼanobʼäl yeqaʼän» (Ri Chajinel, 15 de marzo, 2006)