TJONÏK 54
Ri samaj nuʼän «ri utziläj samajel ri kan kʼo runaʼoj»
Jesús ya riʼ «ri jolomäj pa ruwiʼ ri congregación» (Efesios 5:23). Pa qaqʼij komä, ryä chlaʼ chkaj kʼo wä, ye kʼa nuksaj ri utziläj samajel ri kan kʼo runaʼoj rchë nukʼwaj bʼey chkiwäch ri rutzeqelbʼëy chwäch jontir le Ruwachʼulew (taskʼij ruwäch Mateo 24:45). Ri utziläj samajel riʼ kan yë Jesús xchaʼö chqä xyaʼ uchqʼaʼ pa ruqʼaʼ. Tapeʼ ke riʼ, kʼa rusamajel na Cristo chqä yerutoʼ ri ruchʼalal Cristo. ¿Achkë komä riʼ ri utziläj samajel riʼ? ¿Achkë rubʼanik nqrchajij?
1. ¿Achkë riʼ «ri utziläj samajel ri kan kʼo runaʼoj»?
Jehová ronojel mul ruksan jun achï o jun molaj achiʼaʼ rchë nukʼwaj bʼey chwäch rutinamit (Malaquías 2:7; Hebreos 1:1). Jun tzʼetbʼäl, chrij qa rukamik Jesús, yë ri apóstoles chqä ri ukʼwäy taq bʼey ri ye kʼo wä Jerusalén ri xekʼwan bʼey chwäch ri congregación (Hechos 15:2). Pa qaqʼij komä, jun koʼöl molaj ukʼwäy bʼey —ri Molaj Ukʼwäy Bʼey kichë ri testigos de Jehová— nuyaʼ ri nkʼatzin che rä rutinamit Dios chqä nukʼwaj bʼey chrij ri samaj nbʼan chrij rutzjoxik le Biblia. Re molaj achiʼaʼ reʼ, ya riʼ «ri utziläj samajel ri kan kʼo runaʼoj ri xyaʼöx qa» uchqʼaʼ pa kiqʼaʼ rma Jesús (Mateo 24:45a). Jontir ri ye kʼo chpan ri Molaj Ukʼwäy Bʼey yechaʼon rkʼë ri loqʼoläj ruchqʼaʼ Dios. Ryeʼ kiyoʼen ri qʼij taq xtkiqʼät tzij rkʼë Cristo chlaʼ chkaj chpan ri Ruqʼatbʼäl Tzij taq xtkʼis kikʼaslemal chwäch le Ruwachʼulew.
2. ¿Achkë samaj nuʼän ri utziläj samajel ri kan kʼo runaʼoj?
Jesús xuʼij chë ri utziläj samajel ri kan kʼo runaʼoj «kan pa ruqʼijul» kʼo chë «nuyaʼ kiway» ri nkʼaj chik cristianos (Mateo 24:45b). Achiʼel ri qaway ri nqatäj ri nuyaʼ qachqʼaʼ chqä nqrtoʼ chë ma kan ta nqyawäj, ri qaway ri nutzjoj chpan re texto reʼ —ri ya riʼ jontir ri naʼoj ri elesan pä chpan Ruchʼaʼäl Dios— nqrtoʼ rchë ma nqayaʼ ta qa Jehová chqä rchë nqaʼän ri samaj ri xchlaʼej qa Jesús chqë (1 Timoteo 4:6). Re naʼoj reʼ nkʼut chqawäch chkipan ri qamoloj, ri qanimamoloj, ri qa-publicaciones chqä ri videos ri yeʼelesan pä chpan le Biblia. Jontir reʼ nqrtoʼ rchë nqʼax chqawäch achkë nrajoʼ Jehová chë nqaʼän chqä rchë más junan nuʼän qawäch rkʼë.
TQATAMAJ MÁS CHRIJ RE NAʼOJ REʼ
Tqatzʼetaʼ achkë rma nkʼatzin nukʼwaj qabʼey «ri utziläj samajel ri kan kʼo runaʼoj», ntel chë tzij, ri Molaj Ukʼwäy Bʼey.
Ri Molaj Ukʼwäy Bʼey kan jalajöj toʼïk nuyaʼ chkë ri testigos de Jehová chwäch jontir le Ruwachʼulew.
3. Kan pa rubʼeyal kʼo chë yebʼan ri samaj chpan rutinamit Jehová
Jesús rukʼwan bʼey chwäch ri Molaj Ukʼwäy Bʼey rchë nuʼij achkë rubʼanik kʼo chë yebʼan che rä ri samaj chpan rutinamit Jehová. Pa naʼäy siglo, ke riʼ chqä jbʼaʼ rubʼanik xebʼan chkë ri samaj chpan ri congregación. Titzʼetaʼ ri VIDEO.
Tiskʼij ruwäch 1 Corintios 14:33, 40 y kixtzjon chrij reʼ:
Achiʼel nuʼij chkipan re versículos reʼ, ¿nrajoʼ komä Jehová chë ri ru-testigos kan pa rubʼeyal nkiʼän ri samaj yebʼan chpan rutinamit? ¿Achkë rma naʼij riʼ?
4. Ri utziläj samajel ri kan kʼo runaʼoj rukʼwan bʼey chrij ri samaj chrij rutzjoxik le Biblia
Ri rutzjoxik Ruchʼaʼäl Dios ya riʼ ri kʼo wä más ruqʼij chkiwäch ri naʼäy taq cristianos. Tiskʼij ruwäch Hechos 8:14, 25 y kixtzjon chrij reʼ:
Pa naʼäy siglo, ¿achkë xekʼwan bʼey chrij ri samaj chrij rutzjoxik ruchʼaʼäl Dios?
¿Achkë xkiʼän Pedro chqä Juan rkʼë ri xbʼix chkë kimä ri nkʼaj chik apóstoles?
Ri rutzjoxik le Biblia ya riʼ ri samaj ri kʼo más ruqʼij chwäch ri Molaj Ukʼwäy Bʼey. Titzʼetaʼ ri VIDEO.
Jesús xuʼij chë ri rutzjoxik Ruchʼaʼäl Dios kan kowan ruqʼij. Tiskʼij ruwäch Marcos 13:10 y kixtzjon chrij reʼ:
¿Achkë rma ri rutzjoxik le Biblia kan kowan ruqʼij chwäch ri Molaj Ukʼwäy Bʼey?
¿Achkë rma nkʼatzin chë «ri utziläj samajel ri kan kʼo runaʼoj» nukʼwaj bʼey chqawäch chpan re samaj reʼ chwäch jontir le Ruwachʼulew?
5. Ri utziläj samajel ri kan kʼo runaʼoj nukʼwaj qabʼey
Ri Molaj Ukʼwäy Bʼey nukʼwaj bʼey chkiwäch ri cristianos chwäch jontir le Ruwachʼulew. ¿Achkë rubʼanik nutzʼët achkë naʼoj nuyaʼ chkë? Tatzʼetaʼ achkë xuʼän ri molaj ukʼwäy bʼey pa kiqʼij qa ri naʼäy taq cristianos. Tiskʼij ruwäch Hechos 15:1, 2 y kixtzjon chrij reʼ:
¿Achkë xbʼanö chë ma junan ta xuʼän kiwäch jojun chkë ri cristianos pa naʼäy siglo?
¿Achoq kikʼë xebʼä wä Pablo, Bernabé chqä ri nkʼaj chik cristianos rchë xkisöl re kʼayewal reʼ?
Tiskʼij ruwäch Hechos 15:12-18 chqä 23-29, y kixtzjon chrij reʼ:
Rchë xsolotäj re kʼayewal reʼ, ¿achkë xuʼän ri molaj ukʼwäy bʼey pa naʼäy siglo rchë chë yë Dios xkʼwan bʼey chkiwäch? (Titzʼetaʼ ri versículos 12, 15 chqä 28).
Tiskʼij ruwäch Hechos 15:30, 31 chqä 16:4, 5, y kixtzjon chrij reʼ:
¿Achkë rubʼanik xkitzʼët ri naʼäy taq cristianos ri xbʼix pä chkë rma ri molaj ukʼwäy bʼey?
¿Achkë rma qataman chë Jehová xyaʼ utzil pa kiwiʼ rma xenman tzij?
Tiskʼij ruwäch 2 Timoteo 3:16 chqä Santiago 1:5, y kixtzjon chrij reʼ:
¿Akuchï nukanuj wä rutoʼik ri Molaj Ukʼwäy Bʼey komä taq kʼo jun nrajoʼ nuʼän?
JOJUN WINÄQ NKIʼIJ REʼ: «We rït nanmaj rutzij ri Molaj Ukʼwäy Bʼey, xa winäq najin natzeqelbʼej».
¿Achkë nbʼanö chawä rït rchë nanmaj chë Jesús najin nukʼwaj bʼey chwäch ri Molaj Ukʼwäy Bʼey?
RI XQATAMAJ QA
Ri Molaj Ukʼwäy Bʼey ya riʼ ri «utziläj samajel ri kan kʼo runaʼoj» ri xchaʼöx rma Jesús. Re utziläj samajel reʼ nuʼij chkë ri cristianos chwäch jontir le Ruwachʼulew achkë kʼo chë nkiʼän chqä nuyaʼ jontir ri nkʼatzin chkë rchë junan nuʼän kiwäch rkʼë Jehová.
Tqakamluj ri xqatzʼët qa
¿Achkë xchaʼö «ri utziläj samajel ri kan kʼo runaʼoj»?
¿Achkë rubʼanik nqrchajij ri Molaj Ukʼwäy Bʼey?
¿Nanmaj rït chë ri Molaj Ukʼwäy Bʼey ya riʼ «ri utziläj samajel ri kan kʼo runaʼoj»?
RCHË NATAMAJ MÁS
Tatzʼetaʼ achkë nuʼän ri Molaj Ukʼwäy Bʼey rchë nuʼän ri samaj ri yaʼon qa pa ruqʼaʼ.
«¿Achkë riʼ ri Molaj Ukʼwäy Bʼey kichë ri testigos de Jehová?» (Reʼ xtawïl pa jw.org)
Tatzʼetaʼ achkë nuʼän ri Molaj Ukʼwäy Bʼey rchë jontir ri naʼoj ri nuyaʼ pä chqë kan ütz nqakʼuqbʼaʼ qakʼuʼx chkij.
Ri tzʼaqät taq naʼoj ri ye kʼo chkipan ri qa-publicaciones (17:18)
¿Achkë rubʼanik nkitzʼët ri ye kʼo chpan ri Molaj Ukʼwäy Bʼey ri samaj ri ruyaʼon qa Jesús pa kiqʼaʼ?
¿Achkë rubʼanik ntzʼetetäj chkipan ri qamoloj chqä ri qanimamoloj chë Jehová ukʼwayon bʼey chwäch ri Molaj Ukʼwäy Bʼey?