Ri kiqʼaxan jojun winäq

Ri utzil nqïl taq yeqatoʼ xa bʼa achkë winäq

Kʼo jun qʼij, jun qachʼalal ixöq aj Nueva Zelanda xtzʼët ri video Preocupémonos unos por otros, ri akuchï nuʼij chë Jehová ma xa xuʼ ta nupoqonaj kiwäch ri winäq, xa kan yerutoʼ chqä (Is. 63:7-9). Rma riʼ ryä chqä xyaʼ chwäch nutoʼ jun winäq. Ri qʼij riʼ, ryä xel rchë xbʼeloqʼoʼ ri nkʼatzin che rä y xrïl jun ixöq pa bʼey ri majun ta rachoch. Ryä riʼ xuʼij che rä chë nrajoʼ nuspaj jun ruway, y ri ixöq kan xrajoʼ. Taq xtzolin pä chuloqʼik ruway ri ixöq, ri qachʼalal xksaj ri tratado ¿Kʼo komä jun qʼij ma xtqatäj ta chik poqän? rchë xtzjoj le Biblia che rä.

Ri ixöq xchäp oqʼej chwäch. Ryä xuʼij che rä ri qachʼalal chë xkʼïy pä chpan rutinamit Jehová, ye kʼa kan kʼïy chik tiempo kanajnäq qa. Tapeʼ ke riʼ, majanäj ta xuʼij che rä Jehová chë ttoʼ pä rchë ntzolin chpan rutinamit. Ri qachʼalal xyaʼ jun ru-Biblia y xkiyaʼ chkiwäch junan nkitjoj kiʼ chrij.a

Achiʼel nuʼän Jehová, röj chqä nqkowin yeqatoʼ ri winäq, achiʼel ri qa-familiares chqä ri qachʼalal pa congregación. Jun chik rubʼanik nqakʼüt chkiwäch ri winäq chë nqapoqonaj kiwäch, ya riʼ taq nqakanuj rubʼanik rchë nqatzjoj le Biblia chkë.