¿Achkë ütz naʼän rchë yenatäj textos chawä?

¿Achkë texto más nqä chawäch rït? Rkʼë jbʼaʼ kan kʼïy textos yeqä chawäch. Rkʼë jbʼaʼ nqä chawäch jun texto ri nukʼuqbʼaʼ akʼuʼx, jun ri kowan yaturtoʼ rchë ma naquʼ ta ri ma ütz ta o jun ri nqä chawäch natzjoj chkë nkʼaj chik (Sal. 119:11, 111). Ye kʼa rkʼë jbʼaʼ kwest nnatäj chawä achkë nuʼij o akuchï xtawïl wä. Tqatzʼetaʼ jojun naʼoj ri xkaturtoʼ.

• Taksaj ri etiquetas ri ye kʼo pa JW Library^®. Taq xtaskʼij le Biblia pa JW Library y xtawïl jun texto ri ma nawajoʼ ta namestaj, tayaʼ qa jun retiqueta ri nuʼij «Textos favoritos».

• Tayaʼ ri texto akuchï ma kwest ta xtawïl. Ye kʼo jojun qachʼalal nkitzʼibʼaj ri texto chwäch jun wuj y nkiyaʼ chwäch kespejo o chwäch rpuerta kirefrigeradora. Nkʼaj chik nkesaj jun rfoto ri versículo y nkiyaʼ chë rfondo kiteléfono o kicomputadora.

• Keʼabʼanaʼ tarjetas. Chwäch ri tarjeta tatzʼibʼaj ri texto, y chrij äl tatzʼibʼaj achkë nuʼij ri texto. Chrij riʼ, tatzuʼ ri xatzʼibʼaj chwäch ri tarjeta, y tatjaʼ aqʼij rchë nnatäj chawä achkë nuʼij chrij.