Vòchtavör ÒNLĀIN LAËPRËRĪ
Vòchtavör
ÒNLĀIN LAËPRËRĪ
Nicobarese
  • PAIPÖL
  • LĪPÖRE
  • MINË MĪTING
  • Inmeukhömat 4
  • Tufömngöre Tövai Panam Paipöl Translēsön

Öt ōt vitiō nö in ngih katöllö meh pāt.

Aṙēlen hī, öt taōnlōtngöre ön ngam vitiō.

Sömörī ngam Inmeukhömat

      • Heūvö inlahen Yāvē nö ōt nö el halīöngö (1-11)

        • Ūichhak anga-aṅ nö el kantēra (2)

        • Ūichhak yik tö 24 tak minṙöinylen nö el kantēra (4)

        • Fëntak kërup (6)

Inmeukhömat 4:3

Futnōt

  • *

    Hēk, “tö ngāṅvö elmat töpōiṙāi ihong.”

Inmeukhömat 4:6

Futnōt

  • *

    Hēk, “In ngam kantēra elhôi e.”

Inmeukhömat 4:8

Futnōt

  • *

    Ngëichköm Tahëng Ātiköl A5.

Inmeukhömat 4:11

Futnōt

  • *

    Ngëichköm Tahëng Ātiköl A5.

  • Tufömngöre Tövai Panam Paipöl Translēsön
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
Tufömngöre Tövai Panam Paipöl Translēsön
Inmeukhömat 4:1-11

Inmeukhömat Yôhan

4 Yěh meuk! Unôichrit e ngaich chū-ö meuk ök tö hěng inkūp ök töluvë-akkūö nö el halīöngö ngaich ök ṙô tö urěh nö hāngö tö chu nö sā ṙô öp töpōitô fanöö ngaich ngö ṙô angū-ö nö in chu: “Ihih man yônlö chuh lātulöng, töich hameukhömat meh tö në ṙô në tö hòṅ yih min nö unôich.” 2 Unôichrit e ngaich nöng ilööṙen ngam töhet kumlēḵ nö teungtöre nö ikui chu ngaich meuk ök tö hěng chū-ö kantēra nö el halīöngö ngaich ōt ök amūichhak nö el e. 3 Ngaich ngam amūichhak nö sā mineūkö tö ayānga yaspis ihong hēk sartīös* inrē ngaich havīlöng ngam kantēra ò tö ngam tasēkö ngam tö sā mineūkö emeröl.

4 Havīlöng nuk kantēra tö nuk tö 24 kantēra ngaich meuk yik tö 24 tak chū-ö minṙöinylen nö ūichhak nö el nuk kantēra, yik tö inyūtu tö tö-isōhomat hilā hēk aṅhav kui inrē tö nuk sapīöv sunna. 5 Löknyö el nuk kantēra nuk hanyālö hēk ṙënṙô kunṙôkö inrē ngaich sat nuk tökiröng ëānvö tameūiyö nö hū nö ikūö ngam kantēra, tö ngö manah anū-ö, tö minë tö sat töhet kumlēḵ ngam Tēv. 6 Ngaich ikūö ngam kantēra ngam mai ök tö sā tinmël nö tö sā mineūkö tö sehngöre ihong.

Elhôi ök kantēra* inrē yik tö fën tak kërup mahavīlen e nuk töng matnyöre nö lākūö hēk lā-uk inrē. 7 Ök raneh kërup tö sā mineūkö layön, ök innëtö kërup tö sā mineūkö nuā, ök linūöyö kërup nö sā mineūkö kūö tarik ngaich ök finënö kërup nö sā mineūkö öp kumteū matēṙö. 8 In vē tö fën tak kërup ṙòkhöre acha-a nö kö tafūölö sanëòk kël, vinngö chūök anū-ö hēk lātuhēt inrē nöng matnyöre ngaich öt ṙaḵköṙôre cha-a tö sakāmö hatööm nö ngö ṙô: “Töhet, töhet, töhet an Yāvē* ngam Tēv Tökalēḵkūö Tökalēḵ! Anga-aṅ an Tēv ngam tö misī, ngam töngamuh hēk ngam yamih min inrē.”

9 Yěn ūichlöre vē tö fën tak kërup nö el ngam kantēra ngam Tēv ngam tö örheūheu nö aṅ, nö ha-ööinyö ò, milēḵṙen tö ò hēk kētö nööinyö ò, 10 ngaich yik tö 24 tak minṙöinylen amūichhak nö el nuk kantēra nö afukngöre nö ikūö ngam Tēv nö vë-ekūö ò ngam töng örheūheu nö aṅ ngaich kēnyen nuk sapīövre nö ikūö ngam kantēra ò nö ṙāḵten u, ngaich ngö ṙô: 11 “Ō Yāvē,* Tēv ih, tökô man më-eṅ öm kēḵ ngam kanôlò, minlēḵṙen hēk minhôiṅyö, pò meh öm höng më-eṅ vamīlen në taṙòkhöre chehen ngaich kuilōn meh anū-ö nö yih hēk vīlöng.”

Ṙô Tarik Līpöre (2014-2025)
Log Out
Log In
  • Nicobarese
  • Söömhang
  • Prifrens
  • Copyright © 2025 Watch Tower Bible and Tract Society of Pennsylvania
  • Köntisön hī öi Yūs
  • Praivēsī Pòlisī
  • Praivēsī Seting
  • JW.ORG
  • Log In
Söömhang