I minë-eny Heprāi
3 Lökten yī-ö kahōlö töhet, öi hamòl yip töhavëtu aṅ el halīöngö öi hòṅ chumkūöṙen tö ngam tanīnöṙô hēk mākūö kūönṙô Yēsū ngam chūök ṙinatö-ellōn hī. 2 Chūök ṙinatö-ellōn ngam Tēv anga-aṅ ngam Vamīlen ò, sā Môsös inrē misī nö chūök ṙinatö-ellōn yip aṅ patī ngam Tēv. 3 Sā ngam vamī patī nö mötlö minlēḵken tö ngam patī, ngatī inlahen anga-aṅ* nö mötlö ineū-eu tö Môsös. 4 Kô-en nö ōt ṙung yip mamānlö në patī, ngam Tēv pöri vamīlen në taṙòkhöre. 5 Chūök ṙinatö-ellōn ang Môsös nö sā inlahen mahalanṙen yip taṙòkhöre aṅ patī ngam Tēv ngaich löktö in nup la-en ò nö meūkö nup ṙô nup tö unôichngöre min nö vënyu. 6 Kūön ngam Tēv pöri ang Kristū hēk chūök ṙinatö-ellōn anga-aṅ nö tö chöönguvö nö i patī ò ngaich ayī-ö aṅ patī ngam Tēv, hanöng sā hī söl manā-aṅ öi holtö nganöönöre öi öt pinyū-uvṙô ṙò-òvö hēk köptī inrē tö ngam maheūṅkköre ngam chūök hī öi eū-eure.
7 Lökten an ngam töhet kumlēḵ nö ngö ṙô, “Yēḵ yīö min öi hangṙô e töngamuh, 8 ngaich uh yī-ö hangëḵngö ngam ellōnre öi sā yik muvöhngö yīö nö el tönyalnyi ngaich kalaha chu cha-a nö vīlö ngam tanāinyö chu, 9 in e cha-a nö kalahtenre nö kalaha chu, pòrô cha-a misī nö 40 samyeūheu rò-òten nö meuk minë la-en Chu. 10 Angū-ö ngih lāinyngen Chu öich kunyahalōn tö ngih tumkölchap ngaich ngö ṙô chū-ö: ‘Örheūheu ngam ellōn vē tarik nö lō-ongkūö, öt akahakūö cha-a tö në talöökö Chu.’ 11 Lökten Chin öich holtö lanīnöre kilēḵngôre ngö ṙô: ‘Hö-ö yin min nö kuhēthötre nö el ngam haneūheu chu.’”
12 Kahōlö, haṙēmngenre yin, nö un hěngtak in yīö ṙamūöhöngre tö ngam tö aṅ Tēv töp lökngen ngam ellōn cha nö ngëḵngöre nö kirööngen öt lanöökö nö uroh nö öt īnu tö ngam ṙinatö-ellōnre. 13 Kaheuk sakāmö pöri yī-ö öi kö hareuskö alaha höö nö söl ing ṙētak e nö kaheūkö nö “Töngamuh,” hòn öt hěngtak in yīö tö ngëḵngöre tökūö ngam minhôiṅyö ngam tökööl. 14 Yēḵ hī min öi söl manā-aṅ öi köptī tö ngam ṙinatö-ellōnre, ngam lamöktökūö raneh nö in hī ngaich möl min ayī-ö öi löngö inlahen öi hamòlṙen Kristū. 15 Sā vinënyö e inrē nö ngö, “Yēḵ yīö min öi hangṙô e töngamuh ngaich uh yī-ö öi hangëḵngen ngam ellōnre, sā yik muvöhngö yīö misī ngaich vīlö ngam tanāinyö chu cha-a.”
16 Achīö yip cha-a vamīlö tanāinyö ò pòrô nö hangṙô ngam Tēv? Röh aich nö cha-a vē tarik vē kumnyī-inyre nö ṙā-ang Aikup nö tumṙeūtöre tö Môsös? 17 Achīö yik cha-a yik chūök ngam Tēv nö 40 samyeūheu rò-òten nö kunyahalōn? Röh aich nö cha-a vē tarik tököölö fālen ngaich nuk alaha cha nöng hulalhak nö el tönyalnyi hē cha nö kapah? 18 Ngaich in chīö ṙô anga-aṅ nö kilēḵngôre tö cha min nö öt kuhēthötre nö el öp haneūheu ò? Öt in cha hòng yip töla-evṙen tö nup la-en lama-al minë chööngö ò? 19 Ngaich meuk inlahen cha ayī-ö nö öt kuhēthötre nö im haneūheu, pò cha nö öt īnu tö ngam ṙinatö-ellōn.