Vòchtavör ÒNLĀIN LAËPRËRĪ
Vòchtavör
ÒNLĀIN LAËPRËRĪ
Nicobarese
  • PAIPÖL
  • LĪPÖRE
  • MINË MĪTING
  • 1 Tösalònikē 3
  • Tufömngöre Tövai Panam Paipöl Translēsön

Öt ōt vitiō nö in ngih katöllö meh pāt.

Aṙēlen hī, öt taōnlōtngöre ön ngam vitiō.

1 Tösalònikē Sömörī

      • Kalē-ěḵ pinṙūtölōn ang Pôl nö i Ĕtens (1-5)

      • Reuslöre alaha nö hangṙô Timôtī (6-10)

      • Vë-elkui më aṅ Tösalònikē (11-13)

1 Tösalònikē 3:2

Futnōt

  • *

    Hēk lohten, “hamòlṙen ngam Tēv.”

1 Tösalònikē 3:3

Futnōt

  • *

    Ṙô Krīk, “tölō-ongkūö.”

  • *

    Hēk, “minë kanihngen hī nö tölēnngen.”

1 Tösalònikē 3:7

Futnōt

  • *

    Ṙô Krīk, “hanaktenre.”

1 Tösalònikē 3:8

Futnōt

  • *

    Ṙô Krīk, “aṅhlö ayī-ö.”

1 Tösalònikē 3:10

Futnōt

  • *

    Ṙô Krīk, “meuk aṙëkūö yīö.”

  • Tufömngöre Tövai Panam Paipöl Translēsön
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
Tufömngöre Tövai Panam Paipöl Translēsön
1 Tösalònikē 3:1-13

Raneh Chitri Tösalònikē

3 Lökten hē ih ötkô-ò nômö ngaich, höng ěhten ngam inlahen ih ngaich öi ṙā-ayö öi i Ĕtens, 2 ngaich tīnngen Timôtī ngam prötör hī nö chuh in yīö, ngam mahalanṙen* ngam Tēv nö ma-ahāngkö ngam tölöök inhānga inlahen Kristū, hòṅ ò nö hangönken yīö ngaich kētö inreuskö alaha yīö nö asā ngam ṙinatö-ellōn yīö, 3 hòn öt hěngtak in yīö tökatööngalōn* tökūö në kanihngen. Akahalōn yī-ö tö hī öi ötkô falngöre tö në kanihngen.* 4 Hē ih öi in yīö ngaich ngö ṙô hē e īhö, tö hī öi tö hòṅ kihngen ngaich kô-en angū-ö nö ngatī inlahen, sā mikahlōn yīö. 5 Lökten hē chu ötkô-ò nômö ngaich tīnten Timôtī chū-ö nö chuh in yīö, hòṅ chu akahalōn tö yīö öi köp im kanô-enre, pò chu öich pa-ekūö tö yip mahalō-ongkūö nö un höng halō-ongkūö yīö hēk un höng chanök alaha ngam inlahen ih öi la-evṙen.

6 Hē Timôtī pöri nö fömtöre yīhi nö ṙā-ang in yīö nö chuh in ih ngaich vë-eny nang ih anga-aṅ tö ngam hanangenlōn yīö hēk tö ngam chaniplö yīö inrē hēk ngih inrē ṙô ò nö vë-eny nang ih tö yīö öi kalē-ě mufē takô tö ih hēk hòṅ kapahare inrē öi hòṅ meukkūö ih, sā inlahen ih inrē īhö öi hòṅ kapahare hòṅ meukkūö yīö. 7 Lökten kahōlö, pòrô īhö öi la-al në tökiröng kanihngenre* hēk inkihtenre, sön pöri īhö öi reuslöre alaha öi hang inlahen yīö hēk hang inlahen ngam chaniplö yīö inrē. 8 Ngam mikahlōn ih tö inlahen yīö öi köp söktöhëichṙen im Mā ngaich sā tö aṅhlö hēk īhö.* 9 Ngam ṙanamölōn ih öi ikūö ngam Tēv töpòkūö yīö, sitih inlahen tī öi min öi haṙënngen e ikūö ngam Tēv? 10 Hatööm sakāmö īhö öi kalē-ě ṙô öi peuinyhökūö ngam Tēv, pò ih öi hòṅ kôtamat öi meukkūö yīö* ngaich hateungngö nup hanakten ngam ṙinatö-ellōn yīö.

11 Ngih ön havëkö ih tö ngam Tēv hī, ngam Yöng nö hakôtenre nö holtö ngam Mā hī Yēsū nö kēnyökūö talöökö ih, hòṅ ih öi chuh in yīö. 12 Ngih inrē havëkö ih tö ngam Mā nö ṙūöhöl ṙôken yīö, heūṅ, asīöp ngam hanangenlōn yīö tö höö hēk tö yip taṙòkhöre inrē tarik, sā inlahen ih öi kirööngen hanangenlōn tö yīö, 13 hòṅ ngam Mā hī Yēsū yěn yih nö holtö yip taṙòkhöre töhet tarikre ngaich hangönkö ngam ellōn yīö anga-aṅ nö ikūö ngam Tēv hī, ngam Yöng hēk kaheūkö yīö öi töhet hēk töt fāluṙen.

Ṙô Tarik Līpöre (2014-2025)
Log Out
Log In
  • Nicobarese
  • Söömhang
  • Prifrens
  • Copyright © 2025 Watch Tower Bible and Tract Society of Pennsylvania
  • Köntisön hī öi Yūs
  • Praivēsī Pòlisī
  • Praivēsī Seting
  • JW.ORG
  • Log In
Söömhang