Lök Lōn Yāvē Öm Min?

Ṙamölōn in pò meh kēnyö ṙētak re öm vë-ekūö ngih kun līpöre pò meh hòṅ mikahtökūö re tö tinrīken vē Vamënyen Yāvē ngam tinrīken cha nö tarik, mikahtökūö re inrē tö minë la-en ih, hĕnghöre meuk inlahen ngam töhalēnlöng manūlö ih öi la-evṙen. Meūka in tö meh yöölen öm mikahtökūö re tö ih öi lamöklōn Yāvē töngamuh. Haruhkö alaha meh in öm iṙūöhen kēḵ ngam mikah aṅ im Tēv, hòṅ meh vënyen u in yip aṅ patī re hēk yip hol meh tö inlahen nup haköp meh, hōten meh in inrē öm örheūheu hanòlö ih el minë chūök ih mīting.—Heprāi 10:23-25.

Asā ṙôken mikahkūö meh tö Yāvē, ngatī ṙòken min öp kanòtökūö meh tö ò nö hangenlōn tö meh. Angū-ö an min tamūökten meh öm lök lōn ò hameuktö hanāngenlōn re inrē tö ò. (1 Yôhan 4:8-10, 19) Sitih inlahen öm rih hameuktö hanāngenlōn re töm Tēv? Kūöyòh öng nö töt ṙanāngen nö in meh öm hòṅ hang ṙô ò? Asuh inrē öp mahayööken meh kūyulōn lök lōn ò öm sā ih? Öp mahaköpten meh tö Paipöl öp min ma-asöönyö elnang meh tö u, hòṅ meh min tö yip aṅ patī meh inrē nö “hakööpöre im hanāngenlōn ngam Tēv, meūkkö ngam . . . nômö tö örheūheu-aṅ.”—Yūt 21.