TINKÖÖKÖ 48
Örheūheu Holröön Yāvē Kiröön
(Maika 6:8)
1. Hangenlōn ngam yöng hī Yāvē,
Holröön ò in yē hayāichngöre.
Yöng ṙôken ngam miṙēlōn ò
Nö in cha yip tö hòṅ chööhö ò!
Kū ṙôken hanangenlōn ò;
Öi hanôltuvö in ò.
Lökten in ngaich öi kētöre;
In Yāvē ngam inyönglen hī.
2. Yöng ṙôken inngëṙöm Satān,
Pön röhta ngaich öp manāngen ò,
Pōyen në töng inkihten ih
Hōtu pa-ekū ngaich ṙāngen meh.
Më-eṅ pöri lamaklen ih;
Höng haköpngöre in yē,
Örheūheu öi höng holröön meh.
Holtö ellōnre löklōn meh.
3. Kētö inyööken hī ngam Tēv
Tö ngam ṙô re hēk tö ngam kumlē,
Yěi öt ṙāngen minë mīting,
Mūl inrē öi höng ha-öönyö ò.
Yē hī min höng holröön Yāvē,
Teūngen min tö inkòlô.
Holṙen hī inrē min Yāvē
Söl môkö öi höng löklōn ò.
(Ngëichkö në inrē Ran. 5:24; 6:9; 1 Rā. 2:3, 4.)