Hameuknyö Ngam Lanöökö Yāvē

1. Pōyen nun në, inkôlò ih,

Në kahëtö meh Yāvē!

Höng pò kū ngam lanöökö meh,

Öi teūngen inkôluṙô.

Yöng ṙôken nun në tökööl ih,

Kēnyu ṙāi nun ngaich tö meh.

Hòṅ löklōn meh in kayööngö,

Öi söl i kinpahare.

2. Hòṅ ṙamlōn in, yěi ahānga

Öi harōilöm nöönyö meh;

Ngam inyööngö meh tö kô min

Kēngen në kanihngen hī.

Töt kalē-en in öi kūn meh,

Höng öt teungten löklōn meh.

Holṙen ih man yē kayööngö,

Kētö ngam töhet kumlē.

3. Hōngtö kui ih töm inkôlò

Öi asīnken meh Yāvē.

Hòṅ urööṙen in öi in cha

Yip hol hī im kanô-en.

I patī re, el kahôiṙen,

Ha-öönyan inrē yěi mūl,

Aṅ in Yāvē ngam kumlē hī,

Hameuknyöm lanöökö ò.