Chitri Ṙamā-ang Im Yōm La-en

Yī-ö hanāngenlōn ih Prötör Sistör:

Ngam hanāngenlōn hī tö ngam Tēv hēk tö më tarik an tamīnngen hī min öi “vīten vē taṙòkhöre tarik nö mahaköp vōkö cha . . . inrē.” (Mët. 28:19, 20; Māk 12:28-31) Kalēḵ takô an ngam tökô-en hanangenlōn. Mihôiṅ angū-ö nö lökngöre ellōn tī tö yip tarik tö “hōtu nö im nômö tö-örheūheu aṅ.”—Inl. 13:48.

Urěh in sin vahë öi hòṅ haköplōnre tö minë inchōḵtô hī yěi vë-ekūö tarik hēk katölngö minë līpöre inrē. Hö-ö pöri ngaich ayī-ö öi ngatī inlahen, pöi hòṅ ṙūöhlö ngam heuneū-enre öi vë-ekūö yip tarik. Hangenlōn in ayī-ö tö më tarik, lökten min öi katöllö nup tòpik ööilōn cha. Hòṅ chumkūöṙen ayī-ö tö minë mufē cha hēk hanakten cha, ngaich ngatī ṙô öi vë-ekūö cha. Vënyu nang in min öi in ngih līpöre tö nup tö hòṅ inlahenre.

Nëtsīön nun minë Lesön nö in ngih līpöre. In minë töhěng lësön nö vënyu minë tö hòṅ inlahen hī öi vë-ekūö më tarik öi hameuktö hanangenlōnre tö cha hēk haköpten cha inrē. In minë töhěng lësön, vënyu inlahen ang Yēsū hēk tö Më mu-urěh Kristīön më tö chiplö nö i linökölōn ngam Tēv. Haköp inlahen nuk ṙô cha min ayī-ö nö vë-ekūö yik tarik. Hö-ö in vënyu nang öi imat ngih līpöre töp tö hòṅ inlahen ṙô hī hēk kanöplōn hī, yěi vë-eny nang yip tarik tö ngam tölöök inhānga. Ngih pöri min tö vënyu nö imat e, tö inlahen hī öi chöh tö inlahenre öi hameuktö hanangenlōnre tö më tarik pön angū-ö ngih kuilōn hī. Rö-ö nun pön vënyu minë tö 12 ṙôken inlahen hī öi ahangkö ngam tölöök inhānga öi imat ngih līpöre, ngömuh pöri tö kumlēḵlöng tö hī öi sitih inlahen ṙô öi vë-ekūö yip tarik, sitih inlahen yěi havanröönre öi chuh in cha hēk inlahen hī inrē yěi kēḵ ngam Paipöl istöti.

Yěm vë-ekūö minë lesön imat ngih līpöre, ngaich hòṅ chumkūöṙen më-eṅ töm kamngöre öm sitih inlahen kò-òren öm kēken minë inchōḵten imat ngih līpöre. Asīöp ngam hanangenlōnre man tö Yāvē hēk tö më tarik inrē. Hòṅ aṅhavin ayī-ö tö ngam hanangenlōn ngam tö möḵlö tö minë inköphöti. Pöi löktö in ngih hanangenlōn min öi vāyö tī öi haköpten yip tarik ngaich mihôiṅ min cha-a nö vītöre nö mahaköp nö in Yēsū.

Ṙamlōn in öi holren yīö öi la-evṙen. (Sef. 3:9) Vë-elkui yīö in tö Yāvē nö kētö minë töpōyen inkòlô nö in yīö. Yēḵ hī min öi asīöp ngam hanangenlōnre tö më tarik töngamuh ngaich mihôiṅ min ayī-ö öi vīten cha nö mahaköp nö in Yēsū!