Yi-ö Inyööngö, Haköptö Më Kūön Re Yin Tö Nup Tö Hòṅ Mikahkūö Cha

Vënyö nup tölöng ön ngih panam nö vaich ngaich nup tövaich vënyu anū-ö nö tölöng (Isa. 5:20) Ōt yip umuh tarik kamëkö nup la-en sinòkkūö Yāvē. Tö sā më kikōnyö töpīhötö kikōnyö hēk kikānö töpīhötö kikānö. Cha-a yin tö mihôiṅ nö hachōten meh kūön hī nö öt lööngö la-en. Yip hol cha inrē el iskul tö mihôiṅ nö lōmngö tī tö cha. Lökten më inyööngö nö hòṅ harun më kūön re nö la-al nup töngatī kanihngen.

Mikahtökūö yip kūönre man, tö nup la-en tölöng hēk tövaich nö imat Yāvē. (Lēvī 18:3) Ngëchkö ṙēḵti më nyīö ngatī inlaha ṙô öm ve-eny nang cha tö ṙôm Paipöl nö kakkö ngam chinò-òṅ, nö hòṅ ihôi chīö angū-ö ngaich möl nö tölöng. (Chööngö 6:7) Hatöönö re man öm ngö ṙô, ‘Ngaich öich ve-eny nang ngòh kūön re tö nup tö hòṅ mikahkūö ò? Ngaich ang ngòh kūön chu nö akahakūö tö nup tötlöng linūölkö alaha, kūöyòh öi hòṅ hayūtöre tö nup tö hayunngöre tī töm uk alaha hī. Akahakūö ang nö ngaich tö inlaha re min yĕn ōt yip mahameukhömat ò tö nup tötlöng nyat?’ Yēḵ meh ngaich haköptö më kūön re tö në, heuveū-en min cha-a nö la-al nup yamih kanihngen. (Inchō 27:12; Mum 7:12) Inlōnti yin vē nyīö nö ṙama-ang in Yāvē (Sal 127:3) Lökten yēḵ meh haköpten cha tö nup tölöng ngaich hameuktöre me-eṅ hangenlōn tö cha.

NGËICHKÖM VITIŌ AISA KHAR PANAIYĒ CHO TIKA RAHĒ—APNE PACHCHÒṄ KO “PURI PATÒṄ” SĔ PACHAIYĒ, NGAICH HATÖN NË:

• 

  Kuöyòh nö rīkre inyööngö tö piyū-uṙô nö kakkö ngam chinò-òṅ nö i kūön re?

• 

  Kūöyòh nö tötṙanāngen nö in më inyööngö nö hòṅ ‘haköptö më kūön re tö minë tö sā kuilōn Yāvē’?—Efi 6:4

• 

  Asuh nup min līpöre mahayööken meh öm haköpten cha tö inlahen ngam chinò-òṅ?—w19.05-HI pěch 12, par tiya pòks

• Kūöyòh öm hòṅ kakken u ikūö cha, yěn pòrô cha-a nö öl nö meuk töngatī kanihngen?