Hangönkö Ngam Pinīhö tö Nā

Ik sā minā pamīhöre nö kilēḵngôre nö in höö, tökiröng ngam kinlēḵngô cha nö elmat Yāvē. Tölṙô cha ang Yāvē nö haköpngöre nö in höö nö söl mana-aṅ. (Mët 19:5, 6) Pōyen yin më pamīhöre el hôi hī kamëkö kāha u. Ṙòkhöre pöri cha-a nö hēṙu nö meukkūö kanihngen. Ötkô pöri cha-a nö sā mat ngih panam nöng ilöö ṙāngen höö tökūö nup kanihngen cha. Hòṅ köplōn minā Kristīön pamīhöre nö un pasū ngam pinīhö cha. Asuh nup rih tö hòṅ inlahen meh yěm hòṅ hangönkö ngam pinīhö tö nā?

Ngëichkö në tö taneui inlahen:

1. Laklö ngam elkuilōn re man. Um nyamkö inlahen re yikngö tahëng, yěm ngaich tö pīhövö. Um rēhěn meuk nup tötlöng. Tön angū-ö min lānyngen nā ötköpsören an in höö.—Mët 5:28; 2Pīt 2:14.

2. Hangönlö ngam innôlö re im Tēv. Haṙamlōn ngam Tēv an hang nup tinöölô yip töpīhövö.—Sal 97:10.

3. Hameuktö minë tö tumfömlöng tövai tinrīken. Chöh talöökö tī re man öm hayööken ngam pihöre, pòrô nö töng kūönen angū-ö nö i mat meh.—Kòl 3:8-10, 12-14.

4. Örheūheu nan holtö minlēḵṙenre hēk holtö ellōn re yěn vë-ekūö höö.—Kòl 4:6.

5. Milēḵṙen nan kē-ěkūö höö tö minë lumnööṙö nā an pamīhöre.—1Kòr 7:3, 4; 10:24.

Yěn hateungngö kinlēḵngô re minā Kristīön pamīhöre, ngaich höng Yāvē min tö ha-öönyö, ngam Mahapīhö cha.

NGËICHKÖM VITIŌ “THIRACH SĔ TAÒRTĔ RAHIYĔ”—PRATIYOKITA KĔ NIYÖM MANIYĔ, NGAICH SAPṘÔ NĔ INTÖÖNÖ:

• 

  Asuh nup min kanihngen minā pamīhöre nö kò-òren?

• 

  Yěn ngölōn minā pamīhöre tö cha nö öt hangenlōn tö höö, ngaich sitih inlaha min minë kanô-en imat ngam Paipöl nö hayööken cha nö havai ngam innôlö re tö höö?

• 

  Asuh nup chööngö kahëtö Yāvē nö in më töpīhövö?

• Hòṅ asuh nup la-en minā pamīhöre, hòn lēn ngam pinīhö tö cha?