Könvensön—Ṙētak Inngönlöm Hanangenlōn

Yěi kaheuk samyeūheu chuh el könvensön, ngaich ṙamlōn ayī-ö. Ngatī yik Israel misī, yěn kaheuk samyeūheu nö hamūlören hěngkang chūök nö ha-öönyö Yāvē, ngaich ṙamölōn cha-a. Ngatī ayī-ö töngamuh öi ṙamölōn yěi mūlö chūök öi ha-öinyö Yāvē tö yip tö köönyu ṙôken holmaneuk hī öi el könvensön. Pōyen nup haköplö hī hē u anū-ö ṙētak. Ṙētak hī nun në könvensön öi teūngen tö ṙētak re hanôl më hol re tö yip aṅ patī re inrē. Pōi ṙāi anū-ö nö imat hī, lökten öi holtö panītnyöre öi yihtökūö el u nö tölūöi sumkam.

Yēḵ hī yihtökūö el minë könvensön, ötkò ayī-ö höng ngëichköre. Hòṅ ngëichkö yip holre pöri ayī-ö. (Kal 6:10; Hep 10:24, 25) Yěi ṙāḵtö anūichö re ngaich ötkô öi keuheūtlöre tī tö nup anūichö, öp ṙôken yip aṅ patī hī pöri mihôiṅ nö ngatī ṙôken nup ṙahātö hī. Inmeuktö hī angū-ö min öi milēḵṙen tö holre (Fil 2:3, 4) Ṙētak hī minë töngatī könvensön öi vī tufömngöre hol re. Urēhěkūö ranulten hēk kinheūten minë prokrām kò-òren öi yihtöre vë-ekūö yip tö öl nö mikahkūöre. (2Kòr 6:13) Mihôiṅ in teūngen tö holre el könvensön yip hol hī min el öp tufömngöre tövai panam. Yěn meuk hangenlōn hī tö höö min yip aṅ el kahôiṙen ngaich tūöktöre ellōn min cha-a nö löklōn Yāvē.—Yôh 13:35.

NGËICHKÖM VITIŌ “PYAR KAPHI NAHIN MITTHA”!—ÖNTÖRASTRĪY ATHIVĔSÖN, NGAICH SAPṘÔ NË:

• 

  Sitih inlahen yik holmaneuk hī nö hameuktö hanangenlōn re tö yik yamih el ök intörnēsönöl könvensön ik samyeūheu 2019?

• 

  Asuh öp tö harīkngöre in ngam hanangenlōn më tarik Yāvē?

• 

  Asuh nuk tövënyu tömë Yōm La-en inlaha ngam hanangenlōn hī Kristīön?

• 

  Sitih inlahen më hol hī i Chörmönī hēk lā Lòhngö Koriā nö hameuktö hanangenlōn re tö höö?

• Hòṅ sitih inlahen öi pökeh ayī-ö?