Tökô-en Ṙinānyi—Kahëtö ngam Tēv hēk Kristū Inrē

Kaheuk sakamö öm runghöre meuk kūö kanihngen? Inyööngö kikōnyö ömeh lökten meh pōi la-en? Töng hĕng tak ömeh öm kammān el patī re, höng më-eṅ ngamëichkö nômö ngam mikūönö re? Miyëḵ yip ṙung hol meh el iskul tö meh? Vahavö hòng më-eṅ hēk kihngen inrē kūö kanööinyöre? Ṙòkhöre in kö īnu tö kanihngenre. Ōt yip umuh hol maneuk hī tö ṙōlkangen kanihngen. Akahalōn pöri ayī-ö tö në kanihngen nö öt köpsören min.—2Kòr 4:16-18.

Hanöng saha ngam ṙētak pöri nö öl nö yih, teūngen ayī-ö tö hanöhlö re öi hāngö Yāvē nö akah minë kanihngen hī. Meuk manööyö hī anga-aṅ öi la-al u töm inlahen hī inrē haköpngöre in ò. Ngaich kilēḵngôre anga-aṅ tö re nö kētö inkòlô hī min. (Yar 29:11, 12) Yēsū an inrē tö akahakūö tö kanihngen hī. Ngö ṙô anga-aṅ, ‘in yīö chin min.’ (Mët 28:20) Lökten mihôiṅ öi ṙātö ellōn re in ò tö ò nö hayööken hī min. Lökten yěi rahëichtaṙen afēkö inlaha ngam Pūlngö ngam Tēv nö ṙānyen hī min, ngaich ṙinātu ellōn ayī-ö töm maheūkköre nö öt hō nö öt teung. Rö-ö nöng angū-ö, pò hī inrē teūngen tö kumlēḵ re la-al minë kanihngen re.—Rōm 8:19-21.

NGËICHKÖM VITIŌ CHÖP TUFĀN CHEISI MUSHKILËṄ AYĔ, TO APNA TYAN YĪSHŪ PÖR LAKAYĔ RAKHIYĔ!—PHÖVISHIYÖ MË RĀCH SĔ MILNĔVALĪ ASHĪSH, NGAICH HATÖN NË INTÖÖNÖ:

• Kūöyòh ang ngòh tarik nö marôvat töm Tēv? Asuh ngaich ök ṙòng e?

• Asuh öp min taneūngen yip tarik hamang chööngö Yāvē?

• Lökten in chīö öi min teūngen tö u?

• Asuh öp kuilōn meh inkòlô ip yamih ṙētak?