Ṙòkhöre Hòṅ Lēn öi im La-en Inhānga

Sā tī Yāvē nö halēnlö inlaha yik Israel, ngatī anga-aṅ töngamuh nö halēn më tarik re hòn lēnö inlahen cha-a nö ahānga. Holṙen höö cha-a tö minë mupākö òfis, sörkit, minë māṅ, tö më pöplisöör inrē. Lökten nö veūtö röön ngam la-en. Keuheūt vahë-eny nang re in tö tarik, cha-a inrē yip töt sā ëlô hī.—Inmeuk 14:6, 7.

Hòṅ harūnöre öm më-eṅ ṙôtö tahëng ëlô? Yĕm öt ṙētakvö haköp tahëng ëlô, kò-òren öm yūs ngam JW Language ëp. Angū-ö min mahaköpten meh tö nup törahëichyen ṙô i tahëng ëlô. Ṙamölōn më-eṅ min yĕm vë-ekuö yip tarik öm i ëlô cha. Ngatī misī yik kristīön ik raneh senchurī, hē cha nö ṙôtö “nuk minhôiṅyö la-en ngam Tēv” nö i ëlô yik hamang, ngaich ṙamölōn cha-a.—Inla 2:7-11.

NGËICHKÖM VITIŌ YÖHOVA KĔ TŌST PANO—TŪSRĪ PHASHA MË PRACHĀR KICHIYĔ, NGAICH SAPṘÔ NË INTÖÖNÖ:

• 

  Ihē öm kò-òren yūs ngam JW Language ëp?

• 

  Tö sitih inlaha fīchöör öng ngam ëp?

• 

  Asuh nup ëlô yip tarik ip kamngö meh?

• Yēḵ meh teūngen töp tö tahëngö ëlô tarik, hòṅ sitih inlahen më-eṅ?—od-HI pěch 100-101 përa 39-41