SĀ TINRĪKEN KRISTĪÖN

Hòṅ Chumkūöṙen Më-eṅ Töre Yěm Ka-eūt

Alaha ngam vitiō ’Chām Kē Sochiyē Anchām.’ Aṅhav eltī ngam tarik töm kilas tö aṅtö ka-eūt, meutlö ngam pēch tö chökhukūö nö löklö el ngam kilas.

Ṙòkhöre vē Kristīön nö hòṅ aṅhavin töm inyööngöre nö im kineūṅtö. (Inch 23:20, 29-35; 1Kòr 6:9, 10) Yěn ōt Kristīön töhòṅ òk ka-eūt, ötkô anga-aṅ nöng ma-anyre. Un fukngö tī inrē tö ṙinātö ellōn holre. (1Kòr 10:23, 24; 1Tim 5:23) Ötkô in inrē timlö kūö yip tö sōḵ nö òk ka-eūt, möthë yip nyīö.

NGËCHKÖM ËNIMĒSÖN VITIŌ CHĀM KĒ SOCHIYĒ ANCHĀM, NGAICH SAPṘÔ NË INTÖÖNÖ:

Kūöyòh vē Kristīön nö hòṅ hang nup chööngö kahëtöm sörkör i alaha ngam kineūṅtö?—Rōm 13:1-4
Yěn ōt yip tamimlö kūö hī òk ka-eūt, kūöyòh ayī-ö hòṅ vëken cha?—Rōm 6:16
Sitih inlahen öi mihôiṅ laklöre tönup tötlöng ṙòng ngam inôkö ka-eūt?