Minë Tölūöi Inlahen Hī Yěi Hayönglenre In Yāvē

Ṙën ang Tāvit nö kapaha tī tö Kōliat pön ṙatö-ellōnre anga-aṅ nö in Yāvē. (1Sa 17:45) Chö-öny tö më tarik re ang Yāvē nö hameuktö ngam kumlēḵ re. (2Kin 16:9) Hòṅ sā inlahen Tāvit ayī-ö, öi ötkô hayönglen re öi in minë heuneū-en re, hòṅ hayönglen re pöri öi in Yāvē. Öi sitih inlahen pöri? Ta-a töi ngëickö minë tö lūöi inlahen:

• Örheūheu vë-ekūötēv. Vë-ekūötēv ṙung ayī-ö yěi havëkö inṙē-ěl nup tökööl re. Ngatī inrē öi hòṅ vë-ekūötēv yěi töölô öi kēken nup tövaich la-en. (Mët 6:12, 13) Sā hī inrē vë-ekūötēv yěi keuheūten kēḵ nup fësla re, ngatī öi hòṅ vë-ekūötēv urěhěkūö re kēḵ nup fësla re. Hòṅ havëkö kūö Yāvē ayī-ö tö mikah re hēk inlēnöre inrē.—Yāk 1:5

• Örheūheu vë-ekūö ngam Paipöl haköpmat e inrē. Kaheuk sakamö vë-ekūö ngam Paipöl. (Sal 1:2) Fēkö inlahen yip tarik tö vënyu nö imat e, ngaich asīnkö nup haköp re. (Yāk 1:23-25) Pòrô öm töngaich marò-òten ahangköm tölöök inhānga, sön pöri öm hòṅ harunö re. Halēn minë haköpre inrē urěhěkūö re öm chuh el mīting.

• Holṙen ngam söngkötön Yāvē. Hòṅ akahakūö ayī-ö tö minë inlēnö lamöktö el ngam söngkötön ngaich ilööṙen asīnken u. (Kin 9:17) Hòṅ hang minë inlēnö ayī-ö kahëtö më minṙöinylen.—Hep 13:17

NGËCHKÖ NGAM VITIŌ UM VÖÖ TÖ MINË ÖTLINEKEN, NGAICH KĒTÖ SANAPṘÔ NË INTÖÖNÖ:

• Asuh nuk vanööṙö yik prötör sistör?

• Sitih inlahen cha-a nö ṙuhngö vanööṙö re?