Chuh In Nup Panam Tö Lōntö Tarik Ma-ahangköm Tölöök Inhānga

Hòṅ īnu ayī-ö tö ngam ṙinātö-ellōn, yěi hòṅ ṙāngö ngam kamngö chūök re öi chuh tahëng panam, kūö lōn re öi tānyö minë la-en ngam Tēv. (Hep 11:8-10) Yēḵ meh hòṅ chuh in nup panam tö lōntö tarik töla-evṙen, ngaich mihôiṅ më-eṅ vë-eny ngam kuilōn re in yip minröinylen el ngam māṅ meh. Sitih inlahen pöri më-eṅ min akahakūö tö öp panam tö mihôiṅ nö chahuh meh, hēk yěm mihôiṅ inrē iyöng in e hēk yěm hö-ö? Mihôiṅ më-eṅ öm vë-ekūö nup līpöre hēk ngëichkö nup vitiō inrē vamënyö inlahen yip töngatī inlahen. Vë-ekūö yip holmaneuk hī inrē yip töngaich nö chuh el nup tahëng māṅ nö la-evṙen. (Inch 15:22) Vë-ekūötēv öm havëkö kūö Yāvē tö hinòlṙen re. (Yāk 1:5) Mikahtökūöre tö inlahen öp panam chūök lōn meh kiröönngöre, kô-òren öm rahëich hang kūö öm ngëichhöṙen e.

NGËICHKÖ NGAM VITIŌ ṘĀTÖ-ELLŌNRE IN YĀVĒ NGAICH KĒTÖRE—CHUH IN NUP PANAM TÖ LŌNTÖ TARIK MA-AHANGKÖM TÖLÖÖK INHĀNGA, NGAICH KĒTÖ SANAPṘÔ NË INTÖÖNÖ:

• Asuh nuk kanihngen yamih nö ikūö Kěprīöl, ngaich asuh ök mahayööken ò?