SĀ TINRĪKEN KRISTĪÖN
Sitih Inlahen Öi Lāköre Öi Ui Tūök Ṙētak?
Ngòh tarik tö höhölōn nö in minë la-en nö aṅhav in tö ṙētak re sön anga-aṅ nö tūök ṙētakre. Ngaich öt ilööṙen anga-aṅ nö kētöre in ngam la-en tö hòṅ kēkaṙen. Hö-ö pöri Yēhū nö ngatī inlahen. Pön ik sā ò nö tölööṙô nö ha-etngen Ahap tö yik mikūönö ò ngaich ilöö kētöre anga-aṅ töm tinölôre. (2Rā 9:6, 7, 16) Ōtre yip töngö ṙô töngamuh: “Unôichrit tö nët samyeūheu chin min kē ngam vinôkö. Hö-ö chin veut alaha.” “Rulten re chin min haköp mat ngam Paipöl, öl pöri sin.” “Yěich höng teūngen min tö kinmānöre möl min öi kētöre öich painīör.” Hayööken hī nun minë chööngö aṅ mat ngam Paipöl tö hī lāköre öi ui höhölōn inup la-enre.
In minë tö kētu miröökö öi sitih inlahen lāköre öi ui tūök ṙētakre inup la-enre?
Mu 5:4
Mu 11:4