SĀ TINRĪKEN KRISTĪÖN
Laklöre Man Tö Yip Apòstēt
Heuveū-eu ṙô ngam Sī-ö, tö yip tarik inrē tamömrit ò nö vënyö ngam tövaich nö tölöng. Hòn kūönngöre ngam ṙinātö-ellōn hī tö tī cha. (2Kò 11:3) Sā ngam inlahen yik aṅ Asiriā nö sā inlahen ṙô tö lööngö ṙô nöng minyôny-aṅ pön hōten ngam ṙinatö-ellōn yik tarik Yāvē nö kūönngöre. (2Kin 32:10-15) Ngatī inlahen yin më Apòstēt töngamuh. Hòṅ sitih elmat öi tö minë inköphöti lamöktö in cha? Hòṅ ṙūöhöngre in tö u pön sā ṙēngen kinpahangvah anū-ö! Lökten öi ötkô haköp nup līpöre cha, sapṙô cha hēk vë-ekūö cha inrē. Ötkô inrē öi kakkö nup ṙô cha öi i tahëng. Yěi hang ṙô yip tahëng nö kakkö inlahen ngam söngkötön ngam Tēv Yāvē nö tövaich ngaich hòṅ ilöö akahakūö ayī-ö tö e nö lamöktö in yip Apòstēt ngaich hòṅ ṙūöhöngre ayī-ö tö u—Yūt 3, 4.
NGËICHKÖ NGAM VITIŌ “LAKLÖ NGAM ṘINATÖ-ELLŌNRE”!—RAHËICHTAMAT, NGAICH KĒTÖ SANAPṘÔ NË INTÖÖNÖ:
Kūö yòh öi hòṅ chumkūöṙen yěi yūs ngam intörnet fōröm?
Sitih inlahen öi hang ngam inlēnöre im Rōma 16:17?