22-28 TISEMPÖR
ISAYĀ 11–13
Tinköökö 14 ngaich Vinë-ekūötēv | Töhakööpö Min (1 min.)
1. Minkahngö Ngam Mesayā
(10 min.)
Lamöknyö in Tāvit anga-aṅ ngam kūön Yēsī (Is 11:1; ip-1-HI pěch 159 përa 4-5)
Ikui ò ngam töhet kumlēḵ ngam Tēv hēk tö pa-ekūö anga-aṅ tö Yāvē (Is 11:2, 3a; ip-1-HI pěch 159-160 përa 6, 8)
Tökô-en anga-aṅ hēk tö aheukölōn nö kamhôka (Is 11:3b-5; ip-1-HI pěch 161-163 përa 9, 11)
TÖ AFĒKA: Sitih inlahen ang Yēsū nö mötlö tö vë mahayöng ing panam?
2. Töhakööpö Töpōiṙāi
(10 min.)
Is 11:10—Sitih inlahen öng nö teungtakūö ngih pròfěsi? (ip-1-HI pěch 165-166 përa 16-18)
Asuh nup töpōiṙāi haköplö meh in ngam tö vë-evkūö el ngih afta?
3. Miröökö Tövë-evkūö
(4 min.) Is 11:1-12 (th-HI Kun 11)
4. Rěhnyôre Öm Vë-ekūö Tarik
(3 min.) CHUH KŪÖ PATĪ AHĀNGA. (lmd lesön 2 point 5)
5. Havanröön Re
(4 min.) AHĀNGA IKŪÖ TÖMAṘÔNGÖ. Yūs ngam jw.org öm kētö sanapṙô ngam intöönö hatön ngam tarik. (lmd lesön 8 point 3)
6. Vītö Mahaköp
(5 min.) Holṙen ngam kahë istötīrö öm pripër, hòṅ ò min nö hol meh öm chuh kūö patī ahānga. (lmd lesön 11 point 4)
Tinköökö 57
7. “Holtö Kanô-enre” Öm Më-eṅ Yěm Kahôka?
(15 min.) Holṙô re kakken u.
Kaheuk sakāmö in ṙung öi höng vī mufēre tö inlahen më tarik, ngaich ṙōlheuh ṙung öi öt akahngenre öi ngatī mufē. Tö chöngṙen ṙung ngam inlahen hī öi höng ngëichköm lamātunyī tinrīken ngam tarik ngaich kakkö inlahen ò. Harīkngöre takô pöri ang Yēsū tö hī. (Is 11:3, 4) Pön ngamëichkö ellōn tarik anga-aṅ. Akahakūö anga-aṅ töm mufē cha, kūö yòh cha-a nö afēken e hēk asuh inrē öp kuilōn cha inlahen cha. Hö-ö in ayī-ö öi aṅhav in tö ngih heuneū-en öi sā Yēsū, mihôiṅ pöri ayī-ö öi ma-ainyre öi asīnken ò. Mihôiṅ ayī-ö öi hang ngih ṙô ò tö ngö, “Uh yin kahôka öi höng sā nup maheukre holtö kanô-enre pöri öi kahôka.”—Yôh 7:24.
Yēḵ hī min öi urěhngöre inlahen öi vī mufēre tö inlahen më tarik ngaich öt holtö nganöötöre min ayī-ö öi ahānga hēk öt vaiyö inlahen inrē. Tö sā hī lohten min öi piyū-en öi vë-eny nang yip tarik tö tahëngö tinrīkngen hēk tahëngö tinlööken tö ngam tölöök inhānga. Hēk sōḵ öi vë-eny nang më tökòlô hēk më yaich. Hēk lohten min öi höng ngëichkö ngam lamātunyi tinrīken ngam tarik ngaich ngö ṙô tö ò nö öt hangṙô hī min yěi vë-eny nang ò. Hòṅ köplōn pöri ayī-ö tö Yāvē nö lōnu “tö yip taṙòkhöre tarik nö teūngen tö inyöökenre hēk teūngen inrē tö ngam tölöng mikah elmatre tö inlahen ngam kanô-en.”—1Ti 2:4.
Meuk ngam VITIŌ Haköplö Hī Im Chūökamahatī—Um Höng Sā Nup Maheukre Öm Vī Mufēre Tö Inlahen Më Tarik. Ngaich hatön më hamang:
Asuh nup ṙung lāinyngen yip tarik nö atöltuṙen?
Asuh öp min lanökngöre ngam māṅ yěi atöltuṙen in më prötör sistör?
Sitih inlahen aich më prötör sistör tö hameuktu nö imat ngam vitiō nö öt höng vī mufēre tö inlahen yip tahëng?
Asuh öp haköplö meh öm in ngih ātiköl ngam Chūökamahati?
8. Inkööpöṙô Paipöl el Ngam Māṅ
(30 min.) lfb-NC minë lesön 46-47