Chö-öny Tö Kuilōn Re Haköp

Yē hī öi prīpër nup haköp re, ngaich mihôiṅ ayī-ö hatöönöre, öi ngö ṙô ‘asuh öp min haköplö chu in ngih vahë-ekūö chu?’ tövai min angū-ö nö inlahen hī, ötkô pöri öi ngö mufē tö ngam tö kētu tòpik nöng töng ha-eh ṙung ngaich nö vë-evkūö tö chu ngaich öich akahakūö tö inlahen e. Yē hī min ngatī inlahen ngaich öt akahakūö min ayī-ö tö öp lōn Yāvē nö haköpten hī. Sitih inlahen pöri ayī-ö yěi hòṅ kūyulōn töre hòṅ haköp?

Havëkö kūö Yāvē tö Mikah. Lökten in ngam vinë-ekūötēv in min öi akaha el mat tö nup lōn Yāvē nö haköpten hī. (Yāk. 1:5) Um höng hayönglen re, ngaich öm höng in nup töng ha-eh mikahkūöre tòpik.—Inch. 3:5, 6.

Hökngen minë ṙô ngam Paipöl nö lökngöre tī tö meh. “Tö-aṅ an ngam ṙô ngam Tēv.” (Hep. 4:12) Yěi ṙōlheuh ṙô öi vë-ekūö ngam Paipöl, ngaich mihôiṅ nö tufömngöre nup haköp hī hēk lök ngö re nö mihôiṅ ngam tinrīken hī tö kūö u. Möl pöri min angū-ö nö ngatī inlahen yěi holtö ellōn re öi haköp.

Kumchikngö kūöre nyā-aṅvkūö tö minë aṅ kui mīs Yāvē. Sā ṙēngen nup töt insā-av “nyā-aṅkūö” nun minë tumkangen tī Yāvē nö haköpten hī. (Isa. 25:6) Lökten um höng nyā nup ööi lōn re nyā-aṅkūö, tön ṙòkhöre nyāhāṅ më-eṅ tö u öm kumchikngö kūöre. Ngaich möl min më-eṅ ṙamlōn öm haköp hēk ṙamlōn min inrē Yāvē nö in meh yē meh ngatī inlahen!