Mirūlö 16

Kuilōn Meh Linöökö Lōn Ngam Tēv

Asuh nup tö hòṅ inlaha meh yēḵ meh hòṅ hol ngam Tēv? (1, 2)

Sitih inlahen ömeh yĕm hòṅ keuheūtöre kētöre löklōn ngam Tēv? (1)

Hòṅ ihē öm kô kēḵ ngam vinôkö? (2)

Löktö yih kumlēḵ öm kô köp i linöökö lōn ngam Tēv? (3)

1. Yēḵ meh hòṅ hanôl ngam Tēv, ngaich hòṅ kēḵ ngam tökô-en me-eṅ mikahkūö re töm kanô-en ṙô ngam töhet līpöre, (1 Timòtī 2:3, 4), Hòṅ ṙātö-ellōnre man in minë töngaich haköp re (Heprāi 11:6), Havöötö ellōn re ngaich ṙāngö nup tökööl re (Inlahen 17:30, 31), Hēk hòṅ havööngökūöre tö nup tököölre. (Inlahen 3:19) Ngaich ngam hanāngenlōn meh töm Tēv min tamūökten meh keūheūttöre kētöre in ò. Tö ngö manah an tö meh hòṅ kahngôṅre, im vinë-ekūötēv öm vë-eny kuilōnre hòṅ lök lōn Ò.—Mëtiv 16:24; 22:37.

2. Unôichrit inlahen meh keuheūttöre kētöre im Tēv, ngaich hòṅ kēḵ ngam vinôkö me-eṅ. (Mëtiv 28:19, 20) Vamënyen meh an ngam vinôkö öm ikūö taṙòkhöre tarik tö meh keuheūttö ellōn re löklōn Yāvē. Lökten an ngam vinôkö nö lumnööṙö yip tömihôiṅ nö kahngôre nö vë-eny kuilōn re nö lök lōn ngam Tēv. Yēḵ ngòh tarik nö vōkö, hòṅ chupeuktu kui anga-aṅ nö el mak nö rahëichtaṙen.a—Mākös 1:9, 10; Inlahen 8:36.

3. Unôchrit inlaha meh kētöre, meūka an min Yāvē tö meh hateung minë ṙô meh kinlēḵngô. (Salmai 50:14; Mumkahten 5:4, 5) Hòṅ ma-anyre an min ngam Sī-ö nö sōngen meh löklōn Yāvē. (1 Pitör 5:8) Ṙūöhtöre pöri me-eṅ in Yāvē im vinë-eṅkūötēv. (Filipī 4:6, 7) Kaheuk sakāmö haköp mat ngam töhet līpöre. (Salmai 1:1-3) Hanôl töre in yip aṅ ngam māṅ. (Heprāi 13:17) Yēḵ meh min ngatī inlahen teūngen min me-eṅ tö kumlēḵ re kô köp löklōn ngam Tēv. Ngaich kô min me-eṅ söl saṙuh la-evṙen tö nup kuilōn ngam Tēv nö in meh!

[Futnōt]