MIRŪLÖ 8
Asuh Öp Yanöölen Meh Lökten Im Kinpāha Yēsū?
Kapah ang Yēsū pò hī hōtu aṅ. Yôhan 3:16
Lūöi hang sumkam unôichrit kinpaha Yēsū, haroh tumtak yik kikānö yamihtöre nö in ök anūlö ngach kôtökūö tö e nö öt aṅhavö. Pön hachohlöngö ang Yēsū tö Yāvē nö ṙā-ang im kinpāha.
Unôichngöre ngach Yēsū nö meūkö tö yik mahaköp.
Hòṅ, hachohlöngö ang Yēsū nö im nômö töt kinpāhavö nö tö kalēḵ nö ma-aṅhānga. Meūkö anga-aṅ nö yônlö nö el halīöngö tö yik haköptöre.
Hachohlen Yēsū ngam Tēv ngach vīlen ò nö Rācha ngam Pūlngö. Tanī-ĕl 7:13, 14
Kēngö nômöre Yēsū nö ṙāi tömaṙôngö. (Mëtiv 20:28) Ngach lökten in e ngam Tēv nö kē-ĕkūö hī töm nômö tö-örheūheu-aṅ.
Vīlen Yēsū ang Yāvē nö Rācha nö hayöng nö ikui në panam. Hol ò min yip tö 144,000 tö akaha tarik yip tö hachohlöng nö chuh el halīöngö nö ṙa-ang ing panam. Hol Yēsū min yip tö 144,000 nö asöklö öp inyööngö ngam Pūlngö nö el halīöngö, angū-ö an ngam Pūlngö ngam Tēv.—Inmeukhömat 14:1-3.
Vīten ngih panam ön min ngam Pūlngö ngam Tēv nö Peretāis. Öt ōtre min Kinyūngö, ötlanöökö, inyāchö, neūkö inrē nö hēkngöre. Tööḵlö min tarik tö ṙanamlōn.—Salmai 145:16.