Töng Hĕng Nö Pūlngö Mahayöng Në Panam Min Nö Ṙòkhöre

Kalahare man yĕh vë-eny minë-eny e angu-ö pūlngö?— Heūṅ, ngam pūlngö ngam Tēv an, ngam Pūlngö min vamīten ngih panam nö peretāis. Hòṅ ṙūötö mikahkūöre öm tö e angu-ö pūlngö?—

Ṙòkhöre nun në pūlngö nö tö rāchavö. Ngach hayöng ngam rācha nö ikui yip tarik. Akahakūöm rih më-eṅ töp rācha ngan pūlngö ngam Tēv?— Yēsū Kristu an. Iyöng el halīöngö anga-aṅ. Ngach ön min nö Rācha nö ikui taṙòkhöre tarik ikūöng panam! Ṙamlōn öi rih min tö lōn meh yĕn Rācha ang Yēsū?—

Heūṅ ṙamölōn in min! Pön öt hĕng tak min tarik lama-alkūö re nö el Peretāis ötṙĕhĕn min nö ōt kinyungö. Ṙôkhöre min öi hangenlōn tö höö. Öthĕng tak min tö vāhavö ngach kapah. Meuk min yip tötmeuk, hang min yip töthang, ngach yip tötkô nö kiröön tisôköre min cha-a nö fal. Öt hanaktuṙen min tö nya-aṅkūö. Holre min minë töṙeūla nö nyamtô, mihôiṅ min ayi-ö inrē nyamtô öi hol u. Yip tarik ngach tö kapah aṅlö min cha-a ip hē e. Pōyen min më tarik töhakööpö inlahen tö hī imat ngih līpöre tö sā Repëka, Rāhap, Tāvit, ngach Ēlaicha inrē tö aṅlö min! Hö-öm min hòṅ vë-ekūö cha yēḵ cha nö aṅlö nö hēk?—

Hangenlōn an Yāvē tö meh, lōnu inrē tö meh ṙamölōn. Yēḵ meh min höng iṙūöhen haköp inlahen Yāvē, ngach mihôiṅ min me-eṅ öm aṅ ikūö öp tövai peretāis! Ngatī öng rih ngam kuilōn meh?—