Ta-a, Töi Ha-öönyö Yāvē

1. Ha-öiny ngam Tēv;

Yāvē in yē!

Kū ò nö kētö në unhômö hī.

Öt kūnguvö,

Hanangenlōn,

Meūkö tö hī nö in në la-en ò.

Kaheuk sakāmö yē ha-öönyö ò.

2. Ha-öiny ngam Tēv;

Yāvē in yē.

Kū ò nö kēten, nup töng kuilōn hī.

Paṙūtalōn

an tö yip yāich;

Chūk inyönglen yip tö yāichö ellōn.

Holṙôre in yē öi ha-öönyö ò.

3. Ha-öiny ngam Tēv;

Yāvē in yē.

Ṙānyen hī an min, öt kintööngulōn.

Haṙëniṙen;

Inyëngen hī.

Kumtö lanāmö min ngam pūlngö ò.

Holtö ellōnre yē ha-öönyö ò!