TINKÖÖKÖ 74
Tufömngöre Tinköökö Nöönyö Ngam Pūlngö!
(Salmai 98:1)
1. Tikökṙôre, yin öi ha-öiny ngam Pūlngö;
Ngam nöönyöm Tēv tinköökö minhôyö.
Höng in nup ṙô ò in min öi maheūkku.
Holṙô re yē töm nöönyöm Pūlngö ò:
(CHORUS)
Hachônglôre töm nöönyö ò.
Vënyen Yēsū nö rācha hī!
Töi holṙô re tikök nöönyö ngam Tēv hī;
Höng ṙamölōn yē öi ha-öönyö ò.
2. Ngih tinköökö, an vamënyen ngam Pūlngö.
Pön ngaich Kristū; hayöng nö ing panam.
Ngaich yin nö lēnhakṙen më tö hayööngö:
Ha-öiny tö yīhi ò nö ing panam.
(CHORUS)
Hachônglôre töm nöönyö ò.
Vënyen Yēsū nö rācha hī!
Töi holṙô re tikök nöönyö ngam Tēv hī;
Höng ṙamölōn yē öi ha-öönyö ò.
3. Heuvū-eu ṙô, yip min tö ngih tinköökö.
Töhangenlōn nö hang nup ṙô Yāvē.
Köönyu ṙôken yin ngaich më tumkökṙôre,
Havëten hī yin öi ha-öiny ngam Tēv.
(CHORUS)
Hachônglôre töm nöönyö ò.
Vënyen Yēsū nö rācha hī!
Töi holṙô re tikök nöönyö ngam Tēv hī;
Höng ṙamölōn yē öi ha-öönyö ò.
(Ngëichkö në inrē Sal. 95:6; 1 Pīt. 2:9, 10; Inm. 12:10.)