Ngam Töhet Līpöre—Chūk Minë Kanòlô

1. Hangihtö ṙô chu kūn, yěch vë-ekū meh,

Öm kē në ṙô chu yěch halēnö meh.

Në ṙô inlēnö në aṅmat ngam Paipöl;

Inlōntö hī nun nö aṅ in ngam Tēv.

Yīhi kumlē öi la-al nup kanihngen.

Teūngen inrē min öi maheūkkuvö,

Yěn teung nö hēk min nup töng kuilōn Yāvē,

Nuk töng kinlēngö ṙô ò nö in hī.

2. Vënyu ranehlö nuk töng la-en Yāvē,

Inlahen lōn ò sin nö vīlen hī.

Inlahen hī inrē öi töng kuchīken

Chatngen pöri nö ngaich ök Peretāis.

Vënyu inlahen an inrē ngam Satān

Nö sō-en Yāvē töm inyööngö ò.

Hateung ngöm lōnre an hēk min ngam yöng hī,

Nö vī ngih panam nö tufömngöre.

3. Yih an nö ngaich ngam ṙētak hī min ṙamlōn:

Pön vīlöng Yēsū ngaich nö rācha hī.

Töi holṙen re öi ahangken ngam Pūlngö

Kētö maheūkkö hī öi ṙòkhöre.

Imat ngam Paipöl nun minë mufē ò;

Minë yanöölen hī öi ṙòkhöre.

Ngam ṙô Yāvē an tökô-en inchōkū;

Kanòlô hī min yěi hakööpö e.