LESÖN 18
Asūp Minkahngö Yip Tökô-en Kristīön
Pōyen takô tarik ing panam ameūköre nö Kristīön. Öt hěngren pöri minë ṙinatö-ellōn cha, öt kēkö kaha minë inköphöti inrē cha-a ṙô Yēsū. Sitih inlahen öi min akahakūö tö yip tökô-en Kristīön?
1. Achīö yip Kristīön tö ṙô hī?
Kristīön ngö ṙô in tö yip ṙamatö-ellōnre nö in Yēsū Kristū. (Vë-evkūö Inlahen 11:26.) Sitih inlahen aich min nö vë-eny re nö mahaköp nö in Yēsū? Ngö ṙô anga-aṅ: “Yē yīö ngöhören ing ṙô [inköphöti] Chu, ngaich yī-ö tökô-en mahaköp in Chu.” (Yôhan 8:31) Yēḵ ngòh tarik nö vë-eny re nö tökô-en nö Kristīön, ngaich hòṅ ṙatö-ellōnre anga-aṅ nö in minë inköphöti ṙô Yēsū. Ṙòkhöre nun minë inköphöti ṙô ò nöng lamökngörit ngam Paipöl, ngatī ngam ṙinatö-ellōn ngòh tökô-en Kristīön nö hòṅ lökngörit ngam Paipöl.—Vë-evkūö Lūkös 24:27.
2. Sitih inlahen yip tökô-en Kristīön nö hameuktö hanangenlōnre tö höö?
Ngö ṙô ang Yēsū tö yik haköptöre: “Hāngenlōn yin tö höö sā hanāngenlōn Chu tö yīö.” (Yôhan 15:12) Sitih inlahen ök Yēsū nö hameuktöre nö hangenlōn tö yik haköptöre? Kē-ěny ṙētakre anga-aṅ nö in cha, hareuskö alaha cha, hayööken cha inrē. Uroh anga-aṅ nö kēngö nômöre töpòkūö cha. (1 Yôhan 3:16) Ngatī yin vē tökô-en Kristīön nö rö-ö nöng haköptö ngam hanangenlōn. Pön hameukten e cha-a nö in minë ṙô re, la-enre inrē nö hangenlōn tö yip tahëng.
3. Sitih inlahen yik tökô-en Kristīön nö ahangkö ngam Pūlngö ngam Tēv?
Kē-ěkūö yik haköptöre ang Yēsū tö la-en ‘nö tīnngen cha nö mumkahten ngam pūlngö ngam Tēv.’ (Lūkös 9:2) Öt höng el ngam töhet chūök yik mu-urěh Kristīön nö ahangkö ngam tölöök inhānga, pön chuh in minë tuhēt hēk ip chūök më tarik nö pōyen, in e cha-a nö ahangkö ngam tölöök inhānga. (Vë-ekūö Inlahen 5:42; 17:17.) Ngatī inlahen yin vē tökô-en Kristīön töngamuh nö vë-eny ngam kanô-en aṅmat Paipöl nö ip chūök më tarik nö ōt. Hangenlōn cha-a tö holre, lökten nö keuheūttö ellōnre, ṙētakre, kumlēḵre nö im inhangköm ṙô ngam Tēv ngam kamëtö maheūkkö, inṙamlōn inrē.—Mākös 12:31.
MIKAHTÖKŪÖRE HĒK
Ṙatö-ellōnre yin vē tökô-en Kristīön tö minë inköphöti ṙô Yēsū, asīnken u inrē. Ngatī min më-eṅ yěm mikahtökūöre tö më tökô-en Kristīön nö harīkngöre tö më tarik tötkamëkö kaha minë inköphöti ṙô Yēsū.
4. Chumkūöṙen cha-a nö ngëichkö ṙôm Paipöl
Pōiṙāi ngam ṙô ngam Tēv nö imat yik mu-urěh Kristīön
Pōyen tarik vamë-enyre nö Kristīön, hö-ö pöri cha-a nö hòṅ mikahtökūöre tö minë kanô-en aṅmat ngam Paipöl. Röngnyöm VITIŌ, ngaich kakkö ngih intöönö yamih.
Sitih inlahen aich më tarik aṅ minë keurcha nö marôvat tö minë inköphöti ṙô Yēsū?
Örheūheu ang Yēsū nö haköptö ngam kanô-en aṅ im ṙô ngam Tēv. Vë-evkūö Yôhan 18:37, ngaich kakkö ngih intöönö yamih:
Sitih inlahen yip tökô-en Kristīön nö hameuktöre nö hang ṙô Yēsū?
5. Ahangköm tölöök inhānga cha-a
ahangken e cha-a nö i taṙòkhöre
Kē-ěkūö yik haköptöre ang Yēsū töm la-en urēhěkūö ò nö chuh el halīöngö, söl ing töngamuh angū-ö nö kēkaṙen. Vë-evkūö Mëtiv 28:19, 20 hēk Inlahen 1:8, ngaich kakkö ngih intöönö yamih:
Söl yih öng min ngam tölöök inhāngö nö ahangka?
6. Kēkö kaha minë haköpre cha-a
Sitih inlahen ök Tòm nö ṙatö-ellōnre tö ò nö kôtö kūö tö më tarik mahaköp nö in Yēsū? Yěm hòṅ mikahtökūöre ngaich röngnyöm VITIŌ, ngaich kakkö ngih intöönö yamih.
Asūp lānyngen Tòm nö öt ṙatö-ellōnre nö in minë tinlööken?
Kūö yòh ngaich anga-aṅ nö ṙatö-ellōnre töre nö teūngen töm kanô-en?
Yěn hěngtak öp ameuköre nö tamömrit Yēsū, ngaich hòṅ hameuktöre anga-aṅ nö inup la-enre. Vë-evkūö Mëtiv 7:21, ngaich kakkö ngih intöönö yamih:
Asuh nup ngahëichkö Yēsū nö in hī, nup ṙô hī hòng, nup la-en hī ṙöng?
7. Hangenlōn cha-a tö höö
hangenlōn inrē tö höö
Kô-en aich vē tökô-en Kristīön nö ngatī hanangenlōn nö mihôiṅ nö kēngö nômöre töpòkūö holre? Kò-òren öm röngnyöm VITIŌ, ngaich kakkö minë intöönö yamih.
Asūp lāinyngen prötör Lloyd nö hòṅ kēngö nômöre töpòkūö prötör Yohansön?
Kô-en öng ngam inlahen prötör Lloyd nö sāḵta nö in minë la-en tö hòṅ kēkaṙen tö më tökô-en Kristīön, sitih ṙô öm më-eṅ?
Vë-evkūö Yôhan 13:34, 35, ngaich kakkö minë intöönö yamih:
Sitih inlahen aich më tökô-en Kristīön, yěn yamīhiv kūö tö më holmaneukre töt aṅ panam cha?
Hòṅ sitih inlahen yip min tökô-en Kristīön yěn ṙònghöchṙen minë kinyūngö?
ṘÔ YIP TAHËNG: “Töng ötlööngö la-en yin kòl vē Kristīön, sitih inlahen öi min ṙatö-ellōnre tö cha nö aṅhav in töm kanô-en?”
Asūp min ṙô ngam Paipöl hameuktö meh öm mikahtö elnang cha tö më tökô-en Kristīön nö harīkngöre tö cha?
MINË HAKÖP HĪ NGAICH
Kēkö kaha minë inköphöti ṙôm Paipöl më tökô-en Kristīön, hangenlōn inrē cha-a tö höö, hēk ahangkö ngam kanô-en aṅmat Paipöl.
Sitih ṙô öm më-eṅ?
Asuh öp lökngörit ṙinatö-ellōn më tökô-en Kristīön?
Asuh öp minkahngö më tökô-en Kristīön?
Asuh öp la-en kahëken më tökô-en Kristīön töngamuh?
NGËICHKÖ NË INRĒ
Öp töhěng krup ma-asīnkö minë inköphöti ṙô Yēsū Kristū. Töi mikahtökūöre tö e.
Ngëichkö inlahen ngam yöngnyīö ngam nön sin nö urěh, nö sitih inlahen anga-aṅ nö kôtökūö tö më tö hangenlōn tö ò tarik ngam Tēv.
“Löknyö Mat Ngam Paipöl Ṙô Cha-a Nö Kētö Sanapṙô Nuk Intöönö Nö Ṙòkhöre!” (Chūökamahti-HI, Chulāi)
Sitih inlahen aich më tökô-en Kristīön nö hayööken më holre tö kihngen nö hameuktö hanangenlōnre? Töi mikahtökūöre.
Hayööken Yip Holmaneukre Yěn Faltöre Nup Kanihngen—Rahëichtamat (3:57)
Vahënyö Yēsū minkahngö yip mahaköp nö in ò. Kò-òren höng ngëichkö yik mu-urěh Kristīön tö vē tökô-en Kristīön töngamuh nö teung nö im ṙô ò minkahngö.
“Asūp Minkahngö Vē Tökô-en Kristīön?” (Chūökamahati-E, ātiköl)