RĚHNYÔRE ÖM VË-EKŪÖ TARIK
LESÖN 6
Um Pa-ekūö
Lökngörit Chööngö: ‘Öt pinhë-eṅvkūö öi ahangtö nang yīö tö ngam tölöök inhānga.’—1 Tös. 2:2.
Sitih Inlahen Ök Yēsū
1. Meuk ngam VITIŌ, hönglöö vë-evkūö ngam Lūkös 19:1-7. Ngaich fēkö në intöönö:
a. Kūöyòh yik vöh tarik nö öt ööire tö Sakkīös?
b. Kūöyòh pöri ang Yēsū nöng iṙūöhen nö vë-eny nang ò tö ngam tölöök inhānga?
Asuh öp Haköplö Hī In Yēsū?
2. Yē hī min töt pa-ekūö öi ahangkö ngam tölöök inhānga ngaich öt atöltuṙen min ayī-ö tö yip tarik vahë-eny nang re.
Sitih Inlahen Öi Min Asīnken Yēsū
3. Havëkö inyööken re in Yāvē. Ngam Töhet Kumlēḵ Yāvē an mahangönken Yēsū nö ahangkö ngam tölöök inhānga. Angū-ö inrē kamëtö kumlēḵ meh. (Mët. 10:19, 20; Lūk. 4:18) Lökten öm havëkö kūö Yāvē tö nganönöre öm öt piyū-uṙô öm vë-eny nang yip tarik yip pinhë-eṅkūö meh.—Inl. 4:29.
4. Um ngö lōn, öt hang ṙô chu an min ngòh tarik. Piyu-en in lohten öi vë-ekūö öp tarik yēḵ ò nö tö kamnguvö, tötainyö mineūkö hēk yěi ngëichkö ngam tinlööken ò inrē. Köplōn pöri:
a. Hö-ö in ayī-ö mameuk ellōn tarik pön höng Yāvē.
b. Höng Yāvē inrē tö mihôiṅ nö tūökten yip töng sitih tarik.
5. Holtö mikah elmat re öi öt pa-ekūö la-evṙen. (Mët. 10:16) Um lā-alkūö ngam vahë-ekūöre. Yěn sōḵ anga-aṅ nö hang ṙô meh, hēk yěm meuk öp kanihngen inrē, ngaich hòṅ ṙāngö ṙô re më-eṅ öm vë-ekūö ò, ngaich holtö lanāmö öm kiröönngöre.—Inch. 17:14.