Minkahtölōn Yip Yamihtökūö

MAHAYÖÖKEN Hamòlṙen meh yin më prötör mahayööken. Lökten yēḵ cha nö vë-eny kamtö chūök tī meh öm asöklö nup chūökre öm yihtökūö, yěn sōten yīö inrē hēngö mūlö, halēnngö anūichö re, anūichö yip holre hēk yěn halēnö yīö tö nup tahëng, ngaich hòṅ hang ṙô cha yī-ö.

MINË TŌNĒSÖN Hōtu in ṙòkhöre teūngen töm ṙanamlōn öi löktö in në könvensön, ṙūöhtöre inrē öi in Yāvē. Lökten nun nö vai minë anūichö hī öi el ngam hôl, vītu minë sound system, tö minë chūök rinöngnyö vitiō inrē. Pōyen körcha öi halēnken u. Höng löktö in minë kahëtö meh pësa ngam la-en inhangkö ngam tölöök inhānga nö kū-ö urěh. Ṙāḵtu nun inrē minë pòks tö mikahayö nö in minë kamtö chūök hī öi könvensön, nö inlööten meh yěm hòṅ kētö tōnēsön. Mihôiṅ man inrē öm chuh el ngam donate.jw.org yěm hòṅ kētö tōnēsön el online. Kirööngen ṙô yin më Yōm La-en nö ha-öiny nup kahëtö meh tōnēsön nö tinānyö minë la-en ngam Pūlngö ngam Tēv.

FIRST AID Köplōn tö ngih tipātment nöng inlööten meh yěm faltöre invah.

LOST AND FOUND Yěm teūngen tö nup tö chatngen chehen tahëng, ngaich mihôiṅ öm söömten u el ngih tipātment. Yěm chatngen chehen, ngaich mihôiṅ öm hatön kūö ngih tipātment. Ngaich yěn ōt yip nyīö tö chatngen, mihôiṅ öi söömten cha nö el ngih tipātment. Lökten öi chumkūöṙen tö yip kūönre öi höng in re tī tö cha, hòn öt kihngen yip tahëng.

INLĒNNGÖ ANŪICHÖ Milēḵṙen tö yip tahëng yěm hòṅ halēnngö anūichöre, anūichö yip holröön meh hēk aṅ patī meh inrē. Öm um ṙāḵlö chehenre öm el nup anūichö nup töt halēniṙen tö meh.

VOLÖNTĪÖR SÖRVIS Yěm hòṅ kētöre öm holṙen yip mahalēnken ngam könvensön. Mihôiṅ öm kētö minë-enyre el ngam Volöntīör Sörvis Tipātment.

Halēnlö më Yōm La-en më Vamënyen Yāvē ön ngih prōkrām