Kūö Hanangenlōnre Yāvē nö Halēnö hī

Yēḵ hī vaichköre inlahen ngaich haköpten hī ang Yāvē hēkpī chökṙen hī inrē. Ṙën anga-aṅ nö chökṙen hī pòn hōten hī lööngö inlahen ha-ööinyö ò. (Rōm 12:1; Hep 12: 10, 11) Hēkpī nö chökhutī nup inlēnö, unôichngöre pöri öi meuk nup tövai ṙòng u.—Inch 10:7.

Ngam mahalēn. Pītnyöre nö asīnkö tī Yāvē më minṙöinylen, inyööngö hēk yip tahëng inrē, nö holtö hanāngenlōnre yěn halēn. (Yar 46:28) Pòrô nö tö kalēḵ öp chinökṙen sön nöng hòṅ holtöm hanangenlōn nö kētu.—Tai 1:13

Ngam töhalēnö. Ötkô nöt kūötenre ngam töhalēnö tönup inlēnö re, kēkö kaha u inrē. (Inch 3:11, 12) Töt het in öi tarik, lökten öi hòṅ halēnö. Kētu inlēnö ayī-ö löktö imat ngam Paipöl, löktö inup ahang hī el mīting. Hēkpī halēnö inrē tö yip minröinylen yěi vaichköre inlahen. Yēḵ hī min hang inlēnö re yöölen ayī-ö töngamuh, teūngen min inrē töm nômö tö örheūheu aṅ ip yamih ṙētak.—Inch 10:17.

NGËCHKÖM VITIŌ “YÖHOVĀ CHISĔ PIĀR KARTA HEI USĒ SUTHARTĀ PHI HEI,” NGAICH SAPṘÔ NË INTÖÖNÖ:

• 

  Sitih inlahen Kenön ik nyinī-ö re, sitih inlahen ngaich anga-aṅ unôichngöre?

• 

  Sitih tī ang Yāvē nö chökṙen ò?

• 

  Asuh öp haköplö hī in ngam inlahen ò?