Hameuktö Hanāngenlōnre Tö Höö El Ngam Mikūönö

Ngam hanāngenlōn an tököpö tī tö më aṅ ngam mikūönö. Yěn hö-övö ngam hanāngenlōn, öt köp chā-a nö hěng, öt holṙen höö inrē inup la-en. Sitih inlahen pökeh më töpīhövö kikōnyö, kikānö hēk më inyööngö inrē yěn hameuktö hanāngenlōnre tö höö?

Ngam kikōnyö töhāngenlōn töpihöre, chumkūöṙen anga-aṅ tö nup lōn ngam pīhöre kikānö, öt chökhutī anga-aṅ tö mufē ò. (Efi 5:28, 29) Ngëichkö nya-aṅkūö hēk chinhënen më aṅpatī re min anga-aṅ, hayööken cha inrē nö haröhtöre nö in Yāvē. Kaheuk afta nö kēken ngam manūlö mikūönö. (1Tim 5:8) Ngam kikānö töhāngenlōn töpihöre, tumṙeūtöre anga-aṅ töm pīhöre, hameuktö “minlēḵren” re inrē. (Efi 5:22, 33; 1Pīt 3:1-6) Hōltö ellōnre inrē cha-a nö aṙēlen höö. (Efi 4:32) Yip inyööngö töhāngenlōn tö kūönre, chumkūöṙen cha-a tö më kūönre, harunö cha inrē nö hāngenlōn tö Yāvē. (Chö 6:6, 7; Efi 6:4) Chumkūöṙen cha-a nö ngëichkö kanihngen më kūönre yěn el iskul hēk sitih inlahen cha-a yěn ōt yip mahalo-ongkūö cha tö nup tövaich. Yěn ōt ngam hanangenlōn nö el ngam mikūönö, kuchiken min cha-a nö ihôi höö.

NGËCHKÖM VITIŌ ÖPNĒ PÖRIVĀR SĒ PIĀR KÖRTĒ RÖHIYĒ, NGAICH SAPṘÔ NĒ INTÖÖNÖ:

• 

  Sitih inlahen ang ngam kikōnyö nö milēḵṙen tö mufē ngam pīhöre?

• 

  Sitih inlahen ngam kikānö nö hameuktö milēḵrenre töm pīhöre?

• 

  Sitih inlahen nap inyööngö nö chaphöt minë ṙò ngam Tēv nö ellōn më kuönre?