Yūs ngam līpöre Mihôiṅ Man Örheūheu Ṙamlōn! Yěm haköphöti

Keuheūtnyöre in tö ṙanamlōn re pöi teūngen töm tufömngöre līpöre hī kēḵ Paipöl istötī! Yöölen in min lökten im līpöre öi haköptö tarik, lökten öi havëkö kūö Yāvē tö hinòlṙen re. (Mët 28:18-20; 1Kò 3:6-9) Sitih tī öi pökeh min yūs ngam līpöre yěi haköphöti?

Tö tufömngöre inlaha nun minë inlahen tī mahaköphöti imat ngam līpöre Mihôiṅ Man Örheūheu Ṙamlōn! köpölōn pömchö tö në yěm halēnöre töm istötī hēk yěm kēḵ istötī inrē.a

• Vë-evkūö ngam töhěng seksön, ngaich hatönö minë intöönö

• Vë-ekūö minë miröökö töhōtu nö “vë-evkūö”, ngaich mikahtö elnang ngam mahaköp tö minë haköp ò hòṅ ò nö kēkö kaha u

• Röngnyö minë vitīö ngaich kakken u, mihôiṅ inrē öm yūs minë intöönö el ngam vitiō yěn ōt

• Kalah öm keūheūtngö ngam töhěng lesön itö hěng van

Kē-ěkūö ngam vahë-ekūöre töm prosör, ngëichken ò yěn tökën nö hang. (Ngëchköm pòks “Inlahen Tī Hī Katölngö Ngam Prosör Mihôiṅ Man Örheūheu Ṙamlōn Im Raneh Van.”) Yēḵ nā ngaich keuheūtlöre ṙô töm prosör, hòṅ iṙūöhen pöri ngam tökē-ě istötī nö haköp, mihôiṅ hēk an rultenre im lesön 04 imat ngam tahëng līpöre. Yěn tö rònghöichṙen pöri ngam tarik nö kē-ě istötī nö imat ngam līpöre Sikhatī Hei tö ngam Piār kē Lāyök inrē ngaich kò-òren an ṙāngenre tö u ngaich rultenre imat ngam tufömngöre līpöre. Na-a ma-atöllö lōn re tö nup tö-urěhlöng lesön.

NGËCHKÖM VITIŌ AYËṄ PAIPÖL SĒ SĪKHĒ, NGAICH SAPṘÔ NË INTÖÖNÖ:

• Asuh nup min haköplö yip mahaköp imat ngam tufömngöre līpöre?

• Kūöyòh yip tufömngöre mahaköp nö hòṅ hameukhumat tö ngih vitiō?

• Asuh nup tī meh mihôiṅ hayööken ngam mahaköp inup töhòṅ kēkaṙen tö ò? — Ngëchkö ngam chart “Tö Hòṅ Ngëchka Hēk Chö-öny Minë Lesön”