Harun Ngam Mikahelmatre Man

Yēḵ öp nyāmamtô nö hòṅ vayö inlahen nö nyamtô ngaich hòṅ örheūheu anga-aṅ nö harun ngam alaha re nö eksösāis. Ngati inlahen ngam mikahelmat hī nö hòṅ harūnö, möl min öi lööngö ti yūsö e. (Hep 5:14) Sön in ṙung chöh tö lööṙen öi höng asīntö faisla re i holre, öt hakihtenre öi yūs ngam mikahelmatre. Tövai pöri angū-ö yēḵ hī kahngenre kēḵ faisla re. Kūöyòh? Pöi kö ketö kinröötöre min to nup töng faisla re öi ikūö ngam Tēv.—Rō 14:12.

Ötkô in ngö mufē, tömarô-òten chin chū-ö im kanô-en öthō chin vaichö faisla. Yěi hòṅ lööngö faisla pöri hòṅ hang ṙô Yāvē ayī-ö hang ṙô ngam söngkötön ò inrē.—Yôs 1:7, 8; Inch 3:5, 6; Mët 24:45.

NGËCHKÖM VITIŌ “ÖPNĀ CHÖMĪR SĀF PÖNAYĒ RÖKHŌ,” NGAICH SAPṘÔ NË INTÖÖNÖ:

• 

  Asuh nuk katöllö Emā?

• 

  Kūöyòh öi hòṅ hökngö inlahen öp holre yěn hòṅ katöllö lōn re?

• 

  Sitih ṙô nak pamīhöre nö halēnö Emā?

• 

  Isuh ang Emā nö teūngen tö inyööken re nö kēḵ faisla re?