Nup Töng Inkihten, Öthō Anū-ö Nö Öt Keuheūt

Ilööṙen ayī-ö mihôiṅ yīhivö tö miṙivlōn re yěi hakihtuṙen. Mööḵhë hēk yěn marò-òten anū-ö. Pōyen nuk kanihngen Tāvit tö tī Rācha Sôl. Ṙatö-ellōnre pöri anga-aṅ tö minë kanihngenre nö keuheūt, pön kilēḵngôre ang Yāvē tö ò min nö vīlen ò nö rācha. (1Sa 16:13) Lökten ò nö möi nö hökkö ngam ṙētak Yāvē.

Mihôiṅ in ṙung holtö mikah elmat re, öi hakūṅnngö minë kanihngenre. (1Sa 21:12-14; Inch 1:4) Yěn öt kūöṅn ngöre pöri minë kanihngen hī pòrô öi ngatī inlahen, hē e ayī-ö öi hòṅ hamööyöre hökkö ngam ṙētak Yāvē. Röhta ön ngam ṙētak ò nö kēngö minë kanihngen hī hēk “chūtngö mak mat” hī inrē. (Inm 21:4) Yěn pòrô pöri nö Yāvē kamëngö në kanihngen hī hēk yěn tahëng inrē, höng ngamuh ṙinatö-ellōn hī tö “nup töng inkihten, öthō anū-ö nö öt keuheūt.” Kô-en ayī-ö reuslöre alaha yěi hangö e.

NGËCHKÖ NGAM VITIŌ TAṘŌLAṘEN NGIH PANAM, SÖN AYĪ-Ö HÖNG HĔNG, NGAICH KĒTÖ SANAPṘÔ NË INTÖÖNÖ:

• Asuh nuk kanihngen yik Kristīön aṅ lā lòhngö Amerika?

• Sitih inlahen cha-a nö hamööyöre hēk hameuktö hanangenlōn re?

• Sitih inlahen cha-a nö urěhlö nup ‘tötṙanāngen’?—Filip 1:10