“Harūnöre Kē-ěti”

Löktö im ṙô Yēsū in öi akahalōn, tö hī yěi keuheūtnyö ellōnre kē-ěkūö holre, ngaich ngatī inrē min yip tahëng nö keuheūtnyö ellōnre nö kē-ěti. (Lū 6:38) Yēḵ hī öi harūnöre im kinē-ěti, ngaich ngatī inlahen min yip prötör sistör hī nö hayööken yip tahëng nö im kinē-ěti.

Pön alaha ngam vinë-ekūötēv ngam inlahen hī öi holtö ṙanamlōn re öi hayööken yip tahěng hēk kētö tōnēsön. Yip prötör sistör ṙamòngnyö kūö ellōnre nö kētö tōnēsön hēk hayööken yip tahëng, ngaich chumkūöṙen Yāvē tö cha. Kilēḵngôre inrē anga-aṅ nö kētö inkòlô cha min.—Inch 19:17.

NGËICHKÖ NGAM VITIŌ ÖT VAICHNGÖ IN TÖ MINË MINEUKṘENRE TÖ YĪÖ, NGAICH KĒTÖ SANAPṘÔ NË INTÖÖNÖ:

• Sitih löktö inyööken aich më prötör sistör in minë kahētö yīö tōnēsön?

• Pòrô nö kūnën minë kahëtö hī tōnēsön, kūö yòh pöri öi hòṅ iṙūöhen kē-ěti?—Vë-ekūö ngam ātiköl el ngam jw.org “Meukṙen Hanāten.”