Hòṅ Hīnöre Ayī-ö Töngamuh Öi Lā-al Nup Yamih Min Kanihngen Re I Alaha Ngam Line-ënö Re

Kūö yòh öi hòṅ hīnöre? Mihôiṅ min nö yih nup tökiröng invah hī, töp lökten hī min mihôiṅ öi chuh el āṅs. Lökten öi hòṅ löktökūö ing töngamuh öi hòṅ lēntöhëichren öi halēnken re tö u nup yanöölen hī. Ngaich mihôiṅ min më-eṅ teūngen tö nup tölöng lin-ënöre. Yēḵ meh löktökūö töngamuh öm hīnöre ngaich inmeuktö meh min angū-ö öm pōiṙāi mat tö ngam nômö hēk hang ngam chööngö Yāvē min më-eṅ i alaha ngam mahām.—Inl 15:28, 29.

Asuh öp mihôiṅ halēnlö meh?

• Vë-ekūötēv man ngaich chumkūöṙen öm fīl ngam (DPA) kart.a Yip pöplisör tö ngaich nö kē ngam vinôkö mihôiṅ cha-a nö kē ngam DPA kart nö in yip lītrechör sörven (literature servant). Yēḵ meh pöri öm tö kūnnö kūön ngaich mihôiṅ öm kē ngam Aitentitī kart (ic) cha

• Yip sistör tö puyōsö, ngaich mihôiṅ cha-a nö kē ngam töhěng kôpi Information for Expectant Mothers (S-401) öm yip minṙöinylen. Yēḵ nup kanihngen min nö yih nö i alaha ngam finötnyö ngam nyīö, ngaich löngö katöllö min anga-aṅ nö i alaha ngam lin-ënöre.

• Yěn söklöre ngam lin-ënö nö i alaha ngam mahām hēk yēḵ meh öm kēhötvö el āṅspu, ngaich hòṅ urěh më-eṅ öm vë-eny nang yip minṙöinylen. Hēk vë-eny nang yip tö la-evṙen el āns nö hökkngen yip Vamënyen Yāvē nö chöhken meh

Sitih inlahen ngam minṙöinylen nö hayööken hī? Hayööken hī yip min nö fīl ngam DPA kart. Öt hayööken hī pöri cha-a öi katöllö lōnre im lin-ënöre, höng hòṅ ayī-ö kamtöllö lōnre. (Rō 14:12; Ka 6:5) Yěn yih ngam inlahen ngam kinëhöt mahām ngaich ilööṙen öi vë-eny nang yip minṙöinylen, ngaich ilööṙen min ngam minṙöinylen nö vë-ekūö më Hospital Liaison Committee (HLC).

Sitih inlahen yip prötör HLC nö hayööken hī? Tö harūnö yin më prötör nö vë-ekūö yip tòktör hēk tö më tökiröngö chööngö. Cha-a yin vamënyö ngam ṙinatö-ellōn hī tö inlahen hī ötkô kē ngam mahām. Mihôiṅ cha-a nö vë-ekūö yip tòktör tö inlahne nup lin-ënö cha töt holtö mahām. Mihôiṅ inrē cha-a nö hayööken hī nö chöh yip tòktör tö mihôiṅ nö lë-enö hī nöt holuti tö mahām.

NGËICHKÖ NGAM VITIŌ SITIH INLAHEN ÖI KATÖLLÖ LINE-ËNÖRE TÖ NUP TÖTHŌLU TÖ MAHĀM, NGAICH KĒTÖ SANAPṘÔ NË INTÖÖNÖ:

• Asuh nup haköp meh im tö söklöre i alaha ngam mahām öm löktö i ngih vitiō?

  Your answer