Halēnlö Öp Chö-önyre El Öp Chingëṅt Infēkö Kinpaha Yēsū

I töhěng samyeūheu yin më Vamënyen Yāvē nö hamūlöre nö fēken ngam kinpah. Inlōntī hī tö Yavē ngam tökitaknyu mahām kristū. Lökten nö ṙētak hī kētö nöönyö Yāvē hēk harōilen ò inrē urēhěkūö ngam infēkö kinpaha hēk unôchrit afta inrē. Hòṅ kēnyö ṙētakre ayī-ö. (Efi 1:3, 7) Öi ma-anyre havëtö yip tarik nö yihtökūö im infēkö kinpaha. Ōtre yip prötör sistör kamëtöre nö im la-en òksölörī painīör el öp Māch hēk Ëprěl chingëṅt nöng 30 hēk 50 kanta kahëti tö ṙētak re nö inhangkö ngam tölöök inhānga. Hòṅ ṙūöhlö inlahenre öm më-eṅ öm i inhangkö ngam tölöök inhānga öm el ngih samyeūheu im infēkö kinpaha? Hòṅ sitih inlahen më-eṅ?

Yē hī lēnngen tī tö nup la-en, ngaich kô-en nup la-en hī min nö lēnö kinëken tö hī. (Inch 21:5) Röhta öp infēkö kinpaha, lökten ayī-ö töngamuh öi halēnlö nup chö-öinyre. Ngaich fēkö ngam inlahenre öm sitih inlahen ṙūöhlö alahare im inhangkö ngam tölöök inhānga. Vë-ekūö Yāvē nö hakòlô minë la-en meh.—1Yô 5:14, 15.

Fēkö inlahenre öm ṙūöhlö inlahenre ahangkö ngam tölöök inhānga el nup chingëṅt infēkö kinpaha?