KANÒLÔ AṄ IM ṘÔ NGAM TĒV

Ṙông Ngam Töt Hinang Chööngö

Kē pīhöre yik aṅ Israel nö in yik kikānö vamë-ekūö insātēv (Esr 9:1, 2; w06-HI 1/15 pěch 20 përa 1)

Sōten cha misī ang Yāvē nö ngatī inlahen, sön pöri yik aṅ Israel nö öt hang chööngö ò (Esr 9:10-12)

Kihngen anga-aṅ hēk tö yik mikūönö ò, kūö ngam töt hinang chööngö (Esr 10:10, 11, 44)

Hapihī ngam tö hěngtak sistör nö in ngam töt Vamënyen Yāvē ngaich kūönu anga-aṅ. Fēkö nuk tö urěhngöre anga-aṅ inlahenre ik sā ò nö holtö nganötöre nö löklōn Yāvē. I kūi ngam mīs minë öktit pōp ngaich el sōfa ngam tö hiyōi pihī ò nö haròh.

Nup töng kahëtö Yāvē chööngö, ṙòkhöre anū-ö nöng yanöölen hī. (w10-HI 7/1 pěch 16 përa 6) Yē hī min öi hangö u ngaich laklöre min ayī-ö tö nup kanihngen töngamuh ngaich teūngen min tö nup tö pōyen inkòlô ip yamih ṙētak.

HATÖÖNÖ RE MAN, ‘Sitih inlahen öich chū-ö laklöre tö minë kanihngen yěich hang minë chööngö Yāvē?’