SĀ TINRĪKEN KRISTĪÖN
Chö-önyten Tö Hī Cha-a Nö La-evṙen
Ngam sörkit ovörsīör hēk tö ngam pīhö ò nö hangenlōn tö më Prötör sistör lökten cha-a nö ṙāḵngö nup taṙòkhöre kuilōn re nö chöhken cha. Töng sā hī nan cha-a inrē nö īnu tö kuilōnre. Hēṙu nan ṙung nö larāḵ, hēṙu nö kihngen hēk haṙivlōn inrē. (Yāk 5:17) Sönen cha-a nö chöhkö nup tahëng māṅ nö öt ṙāḵngö afta, chumkūöṙen cha-a inrē tö inlahenre nö hareuskö alaha yip prötör sistör. Kô-en an ngam sörkit ovörsīör nö “tö nët ineū-eu.”—1Ti 5:17.
Hěngheuh ang Pôl nö fēkö inlahenre nö chuh Rōma, pò ò nö hòṅ “kētö ngam inlōnti ma-alaha” nö in yip prötör sistör. Ngih inrē chö-nyö ò nö hòṅ meukkūö cha pòn hòṅ “hareuskö alaha höö cha-a.” (Rō 1:11, 12) Yěn tö Pīhövö öp Sörkit ovörsīör, sitih inlahen tī më-eṅ hareuska alaha ò tö öp pīhö ò inrē?
NGËCHKÖ NGAM VITIŌ INLAHEN NGAM TÖHĚNG TAK SÖRKIT OVÖRSĪÖR, NGAICH KĒTÖ SANAPṘÔ NË INTÖÖNÖ:
Sitih inlahen ang ngam sörkit ovörsīör tö ngam Pīhö ò nö hameuktö hanangenlōnre hēk harööḵngenre inrē?
Asuh öp yanöölen meh kūö cha nö chöhken yīö?
Sitih inlahen öi ayī-ö hareuskö alaha cha?