SĀ TINRĪKEN KRISTĪÖN

Asīnken Yāvē Hameuktö Ngam Töt Chanūhuvṙen Hanangenlōn

Yāvē ön tövai nö inchō kūö hī öi hameuktö ngam töt chanūhuvṙen hanāngenlōn. (Sal 103:11) Hö-ö ön ngam töt chanūhuvṙen hanāngenlōn nöng ngamëichkö öp tö vayö mineukö öp töng rahëichtakūö ngaich ilööṙen nö chuhngöre. Söl manā-aṅ pöri ngam töt chanūhuvṙen hanangenlōn. Më tö aṅhav in tö ngam hanāngenlōn öthō min cha-a nö ṙāngen höö. Ngatī ang Yāvē nö hameuktö ngam töt chanūhuvṙen hanāngenlōnre nö yik aṅ Israel. Ṙānyen cha anga-aṅ nö ṙā-ang in ngam inköövö i Aikup ngaich kēhöt cha nö in ngam kinlēḵngô panam. (Sal 105:42-44) Laklö yip tarikre anga-aṅ ngaich örheūheu nö aṙēlen nup fālen cha. (Sal 107:19, 20) Yē hī öi “chumkūöṙen ngëichkö ngam töt chanūhuvṙen hanangenlōn Yāvē,” ngaich reuslöre alaha min ayī-ö öi asīnkö tinrīken ò.—Sal 107:43.

Minë nyat: Alaha ngam vitiō “Chumkūöṙen Ngëichkö Ngam Töt Chanūhuvṙen Hanangenlōn Yāvē.” 1. Prötör Pēn hēk tö ngam töhěng tak hol ò prötör nö chuh patī ngam töhěngtak sistör nö chöhken ò. 2. Ngaich an töngamuh prötör Pēn nö in më tö pōyen prötör nö hěngkang chūök cha-a nö el chēl ngaich kētö nya-aṅkūö ngam töhěngtak prötör anga-aṅ ngam tö tövahavö.

NGËCHKÖ NGAM VITIŌ “CHUMKŪÖṘEN NGËICHKÖ NGAM TÖT CHANŪHUVṘEN HANANGENLŌN YĀVĒ,” NGAICH KĒTÖ SANAPṘÔ NË INTÖÖNÖ:

Asuh nup mihôiṅ inlahen hī hameuktö ngam töt chanūhuvṙen hanangenlōn?

Your answer
Kūö yòh nö töt ṙanāngen ngam inrööḵngen yěi hameuktö ngam töt chanūhuvṙen hanangenlōn?

Your answer