SĀ TINRĪKEN KRISTĪÖN
Yī-ö Inyöngö—Haköptö Më Kūönre Nö Haṙamlōn Yāvē
Tö pōiṙāi yin më nyīö hēk më ṙālö nö imat Yāvē. Chumkūöṙen inrē anga-aṅ tö cha nö sitih inlahen nö ṙūöhlö ngam ṙinatö-ellōnre hēk hanangenlōnre tö ò hēk öt ṙāngenre inrē nö löklōn ò. (1Sa 2:26; Lū 2:52) Yēḵ më nyīö nö vayö tinrīken, ngaich ṙamlōn tī cha-a tö Yāvē. (Inch 27:11) Halēnlen minë līpöre hēk tö minë vitiō inrē ang Yāvē nö löktö in ngam söngkötön re tī nö chö-öiyten më nyīö. Lökten in u më inyöngö nö haköptö më kūön re tö cha nö hòṅ hangenlōn tö Yāvē hēk hang chööngö ò inrē.
NGËCHKÖ NGAM VITIŌ “YĪ-Ö NYĪÖ— ṘAMLŌN ANG YĀVĒ YĒḴ YĪÖ IṘŪÖHEN LÖKLŌN Ò!!” NGAICH KĒTÖ SANAPṘÔ NË INTÖÖNÖ:
In nuk lā-urěh samyeūheu sitih inlahen tī ang Yāvē nö hachō-okūö më nyīö?
Asūp löktö inyööken më inyöngö töngamuh nö haköptö më kūön re?
Yī-ö ṙālö, asuh öp yanöölen meh löktö in minë töhalēnlöng tö Yāvē hēk sitih inlahen inrē?