Urēhěkūö Kinëtö Ngam Ṙāi Ṙinānyi Nö Aṙēlöng Minë Tökööl

Lökten in ngam tökitaknyu im mahām Yēsū öi teungen tö minë inṙē-ěl tökööl re. (Efi. 1:7) Ngö ṙô pöri ngam Paipöl, möi mīsi ngam Tēv nö in nuk tökööl yik tarik hēk örheūheu inrē nö aṙēlen cha. Tö ngö manah tö Yāvē nö aṙēlen minë tökööl yik tarik urēhěkuö Yēsū nö kēngö nômö re. (Rōm. 3:25.) Ngamuh pöri intöönö, tö Yāvē nö sitih inlahen tī misī nö aṙēlö minë tökööl cha? Tölöng hòng angū-ö nö inlahen tī ò nö akah fālen?

Sā ngam ṙô Yāvē hē-e tö öp “kūön” min nö yih nö ṙānyö tarik nö ṙā-ang im tökööl hēk kinpaha, ngaich sā ṙēngen tö ngaich nö kētu ngam ṙāi ṙinānyi nö imat Yāvē. (Ran. 3:15; 22:18) Ṙātö-ellōnre ang Yāvē tö ngam kūön re min nö ötlöktu nö öt kēngö nômöre tö pò kūö hī. (Kal. 4:4; Hep. 10:7-10) Ik sā Yēsū misī nö ing panam, ngaich kētö chööngö ò ang Yāvē nö aṙē-ěl tökööl më tarik, pòrô nö öl hē-e nö kētu ngam ṙāi ṙinānyi. Asuh pöri öp lökngörit Yēsū nö aṙē-ěl tökööl më tarik? Akahakuö anga-aṅ tö yip tarik min yěn ṙātö-ellōnre nö im tökitaknyu mahām ò, ngaich aṙēlöng min nup tökööl cha. Lökten anga-aṅ hē-e nö aṙē-ěl tökööl yik tarik yip mahameuktöre nö ṙātö-ellōnre nö in ò.—Mët. 9:2-6.