Halēn Ngam Ellōnre

Lōnu ayī-ö tö minë haköpre inlahen Yāvē nö lökngöre tī tö ngam elkuilōn hī hēk mufē hī inrē. Mihôiṅ ayī-ö öi haköplu in Esrā. ‘Halēn ngam ellōnre’ anga-aṅ yěn ‘haköp ngam chööngö ngam Tēv.’ (Esrā 7:10) Sitih inlahen öi ayī-ö mihôiṅ halēn ngam ellōnre?

Vë-ekūötēv. Örheūheu öm vë-ekūötēv urēhěkūö meh öm haköp. Havëkö inyöökenre in Yāvē hòṅ meh akaha elnang tö minë haköpre imat ngam Paipöl hēk asīnken u inrē.—Sal. 119:18, 34.

Īnu töm inyāichngö. Höng hayönglenre nö im mikahre ngòh tarik tö tāilö lōn, lökten ang Yāvē nö öt hameuktö ngam kanô-en nö in ò. (Lūk. 10:21) Yē meh öm rònghöichṙen öm risörch, uh öm ngö mufē töre öm höng më-eṅ tö akahakūö tö ngam mikahlōn, ngaich hòṅ meūkö tö yip tahëng. Yěm akahngenre ngatī mufē, ngaich kò-òren më-eṅ öm halööktö ngam mufēre.

Hang minë tinköökö Pūlngö. Het ngam elkuilōn hī yěi hang minë tinköökö Pūlngö hēk halēn ngam ellōnre inrē min öi ha-öinyö Yāvē. Kò-òren chěi öm hang minë tinköökö Pūlngö urēhěkūö meh yěm haköp.