Futnōt

b Asuh öng ngam “Ispirichuěl Peretāis”? Töhěng ön nö peretāis ngam chūök më tarik Yāvē nö hěngö mūlö nö ha-öinyö ò nö öt fehnguṙen. Öt hěngö hanakten inrē cha-a tö nyā-aṅkūö re nö el ngam ispirituěl peretāis. Pōyen inrē minë līpöre hēk tö minë kanô-en aṅ mat ngam Paipöl tö vënyu, öthěng tö ōt ṙô ngam tövaich tinlööken nö imat e. Ōt minë la-en chūök hī teungen tö ṙanamlōnre. Tö sā ngam inhangkö ngam pūlngö ngam Tēv, më mi-iyöngkūö ngam peretāis ngön ngam innôlö cha nö in Yāvē hēk aṅhavin inrē cha-a tö ngam lanāmö. Ṙòkhöre inrē cha-a nö hayööken höö, pön yěn yih min minë tökiröng kanihngen ngaich holtö manööyöre min cha-a nö lā-al u, ngaich ṙamlōn inrē. Achīö pöri yip tö mihôiṅ nö inyöngkūö ngam ispirichuěl peretāis? Acha-a yin vē tö löngö inlahen nö ha-öinyö Yāvē hēk pītnyöre inrē nö asīnken ò.