Kristīön Kamëtöre

1. Ṙòkhöre nun nöng pinngangkū

Vahī Yāvē tövai,

Tumlat halīngö ṙòkhöre,

La-en kuntī Yāvē.

Ngam nômö hī höng aṅ in ò

Yāvē takô yöng hī

Örheūheu in yē ha-öönyö ò,

Sōnngöre öi ikū ò.

2. Hachō-okū hī ang Yēsū

Nö hang ṙô ngam yöngre.

Urěhlen nup kuilōn ò an:

Tö nup töng kuilōnre

Löklö el ngam mak an Yôtön

Kristū invëkö ò,

Ngö ṙô, ‘Yāvē löklōn meh chin yē’:

Öthō chin min ṙāngen meh.

3. Hòṅ kētöre in ngaich Yāvē,

Öi höng ha-öönyö meh.

Keuheūttöre öi kētöre,

La-evṙen löklōn meh.

Hayāichngöre an ngam kūn meh,

Nöng kēngö nômöre.

Pòrô min öi aṅ pòrô kapah,

Eltī meh nöng ṙòkhöre.