Söl yih öm ngaich öm el talöökö ngam vinôkö?
SĀ TINRĪKEN KRISTĪÖN
Katöllöm linöklōn Yāvē
Ṙāl tarik ömeh hēk tö öl öm kēḵ ngam vinôkö? Ṙòngmöng haköp mat Paipöl öm ṙöng? Öl öm hòṅ afēkö inlahen re öm hòṅ kēḵ ngam vinôkö? Yēḵ meh kētöre hēk kēḵ ngam vinôkö ngaich hanôltöre min më-eṅ öm in ngam Tēv. (Sal 91:1) Hayöökaṙen min ayī-ö yěi kētöre im linöklōn ngam Tēv hēk kēḵ ngam vinôkö. (1Pīt 3:21) Hòṅ sitih inlahen pöri më-eṅ yěm hòṅ kētöre in në tönët la-en?
Kahngenre man öm chöh ngam kanô-en. Kahngenre inrē öm chöh sanapṙô nup intöönö yamih nö elkuilōn meh. (Rōm 12:2) Ngaich tumfömlö ngam tinrīken re më-eṅ. (Incho 27:11; Efi 4:23, 24) Havëkö kūö Yāvē nö hayööken meh halööktit re. Kētö ngam töhet kumlēḵre min anga-aṅ nö hayööken meh (1Pit 5:10, 11) Ngam kumlēḵ alaha meh öm im linöökö lōn Yāvē ngaich höng yanöölen meh min angū-ö. Minë taneūngen hī ṙanamlōn im linöklōn Yāvē, öt teūngen tö u öi löktö inup tahëng.—Sal 16:11.
NGËICHKÖM VITIŌ PAPTISMĔ KI TARAF LĔ CHANĔVALA RĀSTA, NGAICH SAPṘÔ NË INTÖÖNÖ:
Asuh nup rīkre kanihngen yip hol hī yěn hòṅ kēḵ ngam vinôkö?
Sitih inlahen öm min asīöp ngam ṙinātö ellōnre yěm hòṅ kētöre löklōn Yāvē?
Asuh nup la-en kahëken yip rīkre yěn hòṅ sölta nö kēḵ ngam vinôkö?
Yip kamtöllö linöökö lōn Yāvē asuh nup inkòlô taneūngen cha?
Asuh öp manah ngam kinëtöre töm vinôkö?