Ngach Öm Halēn Ellōn Re Töp Memorīöl?

Ngam manā-aṅ Pāska afēkö Yēsū, töpōiṙāi angū-ö nö in ò. Hòṅ māḵngenre anga-aṅ nö afēkö ngam Pāska nö holten tö yik tanīnöṙô, pön röhta ngam kinpaha ò. Hē e anga-aṅ nö rěhlörit ngam tö lā harap Inmūlkūö Ngam Mā, ngam tö hòṅ kēkaṙen nö kaheuk samyeūheu. Lökten ò nö tīnngen na Pītör na Yôhan nö halēnlö ök urôhò chūök cha. (Lūk 22:7-13; ngëichköm lama-uk nyat) Ngatī in ayī-ö hòṅ löktökūö ing töngamuh öi halēnöre höngkö yanīhi ngam Memorīöl ngam tökēkaṙen min ip 27 Māch. Sön ngaich nö lēnngö tī minë Māṅ nö katöllö yip kamëtö minkahten ip hē e, halēnlö yip vamī ròtī töp vāin inrē. Sön pöri ayī-ö hòṅ kahngenre öi halēnö re höngken e.

Halēn ngam elkuilōn re. Nup tövë-evkūö miröökö hē ngam Memorīöl, vë-ekūö u më-eṅ ngaich afītöre tö u. Lökten in e min më-eṅ hameuktö ṙanamlōn re tö ngam tö kitaknyu mahām tī Yēsū hěnghöre halēn ngam elkuilōn re inrē. Imat ngam Rōchāna Paipöl Vöchnô Pör Tiyān Tīchīyē nun nö kētu minë tövë-evkūö miröökö. Imat ngam ötirikt lēkh ngam Pövitrö Shastörö Kā Nöyi Tuniyā Önuvāt inrē anū-ö nö kētu. (Ngëchkö ngam Ĕprěl 2020 Pustika Mumting-HI.) Kò-òren inrē öm chöh el ngam Yöhovā Kē Sakshīyôn Kē Liyē Khōchpin Kāit. Mihôiṅ yin kakken u yēḵ yīö holṙô re haköp tö mikūönö re.

Havëtö yip tahëng inrē. Kū-ö urěh man im kintölngö invitēsön. Fē-ělre tö yip tömihôiṅ nö havëtö meh. Mihôiṅ man havëtö yip chūök meh havanröön re chööha, yip kahë istöti meh sin hēk mihôiṅ yip mikahkūö meh inrē tö yip mak alaha meh inrē. Un vaichngö yip minröinylen nö havëtö yip tö ufovngöre nö im kanô-en. Yěm katölngö invitēsön in öp tarik tömarôvat töm kamngöm Memorīöl, vë-eny nang ò me-eṅ töp ṙētak hēk kamngö chūök e min nö kēkaṙen ip chūök ò nö iyöng. Klik ngam tëp ABOUT US ngam el ngam jw.org hōm pěch ngaich katöllöm “Memorīöl.”

Asuh nup inrē tö hòṅ halēnkaṙen tö hī?